alt alt    alt

 
КИРИШ/РЎЙХАТДАН ЎТИШ
00:00
Now playing
Выберите радиостанцию

20 ёшда билиш керак бўлган 20та муҳим нарсалар


"Ёшлик билганида, кексалик имкон берганида эди...". Бу ибора бизнинг ва фарзандларимизнинг ҳаётимизда иложи борича камроқ қўлланиши учун, ёзувчи ва тадбиркор-тренер Жульен Смит ҳаётини эндигина бошлаётган инсонлар учун амалий маслаҳатлар тузиб чиқди. Балки уларга амал қилган ҳолда биз камроқ ўқирмиз ва иш билан жиддий шуғулланармиз?

 
alt

 
1. Дунё сизни оми қилиб қолдиришга ҳаракат қилади. Илмсиз одамлардан пул соғиб олиш осонроқ ва уларни бошқариш енгилроқ. Имконингиз борича мустақил ўқиб ўрганинг - бой, мустақил ва бахтли бўлиш учун.


alt
2. Кўр-кўрона илм институтларига ишонманг. Улар ўқув режалари тузиб бўлгунларича тизим эскиради, баъзан эса синиб ҳам улгуради. Яхшиси ўқиш ва ҳурмат орттиришда издошлик эмас, етакчилик йўлидан бориш керак.

3. Имконингиз борича кўпроқ ўқинг. Тез ўқиб юқори даражада эслаб қолиш техникасини ўзлаштиринг. Сиз битта китобни бемалол бир ҳафтада ўқиб тугата оласиз.


alt

4. Ҳамма билан мунтазам мулоқотда бўлишга ҳаракат қилинг. Мулоқот устаси бўлинг. Одамдан ўзингизга ёқадиган томонини изланг ва унинг шу томонига мурожаат қилинг.

5. Вақтингизни камтарликка сарфламанг. Камтарлик – қарор қабул қилишда ҳиссиётингиз устунлигига ишончдир, аслида эса бунинг бутунлай тескариси бўлиши керак.

6. Агар суҳбат мобайнида кимдир сизни ёқимсиз ҳайратга солса, тезда у билан алоқани узинг.

7. Сиздан ёши катта инсонлар билан иложи борича кўпроқ мулоқотда бўлинг. Катталар билан суҳбатнинг қадрли томони шундаки, тенгдошларингизнинг қарор қабул қилиш тизими сизга унча фойда бермайди. Катталар эса, сиз кейинроқ билиб оладиган нарсаларни аллақачон билишади, шунинг учун улардан сўраган афзал.

8. Ўзингиздан устунроқ одамларни қидиринг (сизни қизиқтирган томондан) ва улар билан вақт ўтказинг. Бу ўзи муҳим, аммо натижаси ундан ҳам муҳим – гуруҳда ўртачагина бўлиб юрманг, энг яхшиси бўлишга ҳаракат қилинг (қизиқ нарсалар қилинг, иззат талаб бўлинг, ҳозиржавоб ва уқувли бўлинг).
 


alt
 

9. Тобора вақт ўтиши билан сиз консерваторга айланиб борасиз. Бу оддий далил. Атрофингиздагилар "статус кво" (айни иш вазияти)ни ушлаб турувчи "пуфак" ҳосил қиладилар. Худди шунинг учун ҳам барча ақл бовар қилмайдиган режаларингизни ҲОЗИР амалга оширинг. Кейин сиз ўта қўрқоқ бўлиб қоласиз. Менга ишонаверинг.

10. Чиқимни иложи борича камайтиринг. Бу сизга мен юқорида айтиб ўтган ақл бовар қилмайдиган режангизни амалга ошириш учун керак.

11. Мавқеингизни объектлар ёрдамида олманг (бу фақат вақтинчалик обрў беради), уни тажриба орқали оширинг. Бошқачасига айтганда – Парижга бориб келиш янги  шкаф олишдан кўра яхшироқ танлов. Тадқиқотларга кўра, бундай танлов ҳаётдан қониқиш ҳиссини кўтаради.

12. Лойиҳалаштиришни ўрганинг. Бумантиқни, хотирани ва тасаввурни ривожлантиради.
 

alt
 

13. Ёшлигингиздан вазнингиз ошиб кетмасин. Гормонларингиз аввалига бу ишда сизга ёрдам беради, бу имкониятни қўлдан бермаслик керак, менга ишонаверинг.

14. Таом тайёрлашни ўрганинг. Бу ҳаётингизни енгиллаштиради, овқатланиш заруриятдан, ёқимли машғулотга айланади ва маблағингизни ҳам тежайди.

15. Тўйиб ухланг. Уйқу ва ўз таомингиз ортиқча вазн йиғмаслигингизга ёрдам беради. Агар сиз "қабрда уйқуга тўяман" ёки "ҳали кўп нарсага улгуришим керак, уйқуга вақтим йўқ" десангиз, сизга шуни айтаманки, "уйқуга қонмасангиз сиздан фойда йўқ", уйқу вақтини камайтирганингиз сизга ёрдам бермайди.

16. Ўзингизга илова-ён дафтари тутинг. Миянгиздаги хотира кучига ишонманг. Вазиятни "нимадир қилишим керак эди"гача оборманг. Фақат ўз ёзувларингизга ишонинг.

 

alt
 


18. Бирон-бир нарсада мутахассис бўлинг. 5 йилингизни иш билан ўтказинг, бекорчилик билан эмас. Агар касбингизни ўзгартирмоқчи бўлсангиз - бемалол. Фақат битта нарсани танланг.

19. Одамларни ўзгартиришга ҳаракат қилманг. Яхшиси ҳали бузилиб улгурмаганларни топинг.

20. Агар муҳтожликда яшаётган бўлсангиз, пул масаласини ҳал қилинг. Интернетдан фойдаланинг, у аукцион орқали сизга бирон нимани арзонроқ сотиб олишга ёрдам беради. Агар сиз ойликдан ойликкача яшаётган бўлсангиз, бу даврни икки ҳафта ўрнига уч ҳафтага чўзинг. Кейин, ишингиз юришиб кетганда аввалига биройга, кейин уч, олти ойга ва ниҳоят бир йилга режалаштиришингиз мумкин. Мақсад - 5 йил олдинга режалаштира оладиган мавқега етиш.


Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.
Нашр санаси: 17-09-2013

ИЗОҲЛАР 0

Авторизация Изоҳ қўшиш учун авторизация қилинг