PROlogue қисқа метражли фильмлар фестивали

27-30 ноябрь кунлари Ёшлар ижод саройида PROlogue – ёш киноижодкорлар томонидан суратга олинган қисқа метражли фильмлар III Республика фестивали бўлиб ўтади.
Анъанавий тарзда ташкил этилаётган фестиваль бу йили ноанъанавий услубда «Орамиздаги афсоналар» фотокўргазмаси билан очилади. Фотокўргазма ўзбек кинематографиясида ўзининг ўчмас изини қолдирган, етук санъат асарлари яратган, кино соҳасида ўзининг алоҳида услуби ва мактабига эга бўлган устоз санъаткорларга бағишланади. 
Шунингдек, PROlogue – 2017 фестивалида Али Ҳамроев, Элёр Эшмуҳаммедов, Одилшо Агишев, Юсуф Розиқов сингари кинорежиссёрлар иштирок этади. Тадбирнинг сўнгги куни, яъни 30 ноябрда ўзбек кино санъатининг энг машҳур шахслари ва PROlogue фестивали иштирокчиси бўлган ёш киноижодкорлар сарой олдига ёзилган қизил гиламчадан ўтиб боришади. Ёшлар ижод саройи биноси шу куни тантанали равишда безатилган бўлиб, сарой олдидаги йирик экранларда маросим тўғридан-тўғри намойиш этилиши кутилмоқда.
 

Маълумот учун: +99893 5136468, +99871 2333583, +99871 2334945