#Выпускной 2019 концерти

26 май куни «Туркистон» саройида #Выпускной 2019 концерти бўлиб ўтади. Томошабинларни россиялик рэперлар Doni ва Natan, ўз мухлисларига эга бўлишга улгурган Batrai & Timran дуэти, хонанда Звонкий, шунингдек белоруссиялик рэпер Cygo хушнуд қиладилар. 

DONI – россиялик хонанда, рэп ва R’n’B йўналишида ижро этади. Тез фурсатда хит даражасига кўтарилган «Борода», «Ты такой», «Базара нет» ва «Султан» каби композициялар муаллифи. Тимати билан ҳамкорликда ёзилган «Борода» таронасидан сўнг  DONI машҳурликка эришган. 

NATAN. Унинг илк таронаси 2014 йилда тақдим этилган бўлиб, жуда кўплаб мухлислар олиб келган. «Слышь, ты че такая дерзкая?» композициясидан сўнг NATAN машҳур бўлиб уйғонди десак муболаға бўлмайди. 

Batrai & Timran дуэти аъзолари 2018 йилда «Запах женщины» альбоми чиққач машҳурликка эришган. Альбомнинг асосий таронаси «Запах женщины моей» ҳақиқий хитга айланган, унга ишланган клип эса Youtube’да 100 млн. маротабадан ортиқ кўрилган. 

Звонкий – иқтидорли россиялик мелодист ва таниқли «Голоса» композицияси ижрочиси. Хонанда раггамаффин услуби ва замонавий рақсбоп оҳанг ва вокални уйғунлаштириб, бетакрор мусиқий услуб яратишга муваффақ бўлди. Турли ёшдаги мухлислар меҳрини қозонган  «Голоса» композицияси яқиндагина сотувга чиққан «Мир моих иллюзий» альбомидан ўрин олган. 

Cygo - белоруссиялик рэпер ва қўшиқлар муаллифи, «Panda E» треки билан чартларни энг юқори поғоналарини эгалаб келмоқда. «Panda» қўшиғи июнь ойида кенг омма ҳукмига ҳавола қилинган бўлса. Ой сўнгида кўплаб маҳаллий чартларни забт этган. Шунингдек, муаллифнинг Cygo  таронаси 2018 йилнинг энг машҳур тароналаридан бири бўлган. 

Чипталар нархи: 100 000 сўмдан 500 000 сўмгача
Маълумот учун телефон: +99899 8998787