Жазирама иссиқдан сақланиш қоидалари

Жазирама ёз…

Ёз кириб келганига қанчалар қувонган эдик. Аммо... ёз келиши билан, иссиқ жазирама кунлар ҳам кириб келди. Шаҳар дим, иссиқ, оёқ остидаги асфальт эриб кетаётгандай. Ҳақиқатда ташқаридаги иссиқ ҳаво хароратига бардош бериш мушкул бўлмоқда. Бу жазирама иссиқни енгиб ўтишда бизларга нималар ёрдам бера олади?  Қандай қилиб бу иссиқ кунларни ўзимизга қулайроқ қилиб ўткизишимиз мумкин?

Келинг биринчи навбатда бизларга азалдан маълум бўлган таниқли ҳақиқатларни санаб ўтсак. Булар: 

Ёз кунлари табиий матодан бўлган кийимларни танлаганингиз мақсадга муофиқ бўлади. Чунки улар терини нафас олишига имкон яратади, ҳамда тана ҳароратининг кўтарилиб кетишини олдини олади. 


Иложи борича тўғри тушаётган қуёш нуридан сақланишга ҳаракат қилинг.

Иссиқ кунда бош кийим кийиб юриш ёдингиздан кўтарилмасин.

Қуёш нури 12.00 дан 16.00 гача жуда ҳам фаол ҳолатда бўлади. Шунинг учун шу вақт оралиғида кўчага чиқишни режалаштирмаганингиз маъқул. Аммо вазият шу вақт оралиғида ташқарига чиқишга мажбур этса, тананинг очиқ жойларини қуёш нуридан асрашга ҳаракат қилинг.
Тез бузиладиган егулик маҳсулотларини харид қилмаганингиз маъқул. Чунки иссиқ ҳароратда бактериялар жуда ҳам тез кўпаяди. Бу эса заҳарланишга олиб келиши мумкин.
Ёз кунлари иложи борича декоратив косметикадан фойдаланишни камайтирганингиз маъқул. Чунки сунъий косметик бўёқлари юз терисини нафас олиш фаолиятини чегаралаб қўяди ва оқибатда юзимиз қизиб кетишига олиб келади. 
250 С дан юқори бўлган ҳароратда фаол спорт турлари билан шуғулланманг.
Ўзингизни ҳар ҳил кераксиз ҳаяжонлардан асранг, ҳар қандай таъсирланиш офтоб уриши ҳавфини оширади.

Ёз кунлари корхона ходимларининг кўпчилиги кондиционерлар туфайли шамоллаб қолишади. Чунки ташқаридаги ва офисдаги ҳарорат фарқи жуда ҳам юқори. Бундай ҳароратнинг кескин ўзгариши ўпка касали зотилжамга ҳам олиб келиши мумкин. 

Жазирамада нима ичиш керак?

Иссиқ об-ҳавода организмда сув баланси бузилади, ҳамда кўп намлик йўқотади. Шунинг учун жазирамада кунига 3 литрдан кам бўлмаган миқдорда суюқлик истеъмол қилишимиз лозим.
 

Ёз куни чанқоқни ҳар ҳил олча, смородина ва нордон мевалардан тайёрланган ичимликлар, клюква дан тайёрланган морс, лимонли сувлар босади. 

Бундай об-ҳавода чанқоқни қондиришга ёрдам берадиган яна бир ичимлик - бу квас. 

Шунингдек, жазирамада янги дамланган кўк ёки қора лимонли чойлар ҳам тавсия қилинади. 

Ёз куни қаҳвадан воз кечганингиз маъқул. Чунки қаҳва жазирамада чарчоқни оширади. Ширин ва газланган ичимликлар ҳақида ҳам шуни айтсак бўлади. 

Сизга муздек ичимликларни ичишни ҳам тавсия этмаймиз, чунки улар туфайли томоқ оғриғини ортириб олишингиз мумкин. Яна шуни ҳам айтиб ўтишимиз даркорки, муздек ичимликлар ички органларимизни музлатиб, тана сиртида қон айланишини тезлаштиради ва бунинг оқибатида ҳарорат кўтарилиб кетади.
Иссиқ об-ҳавода алкоголь ичимликларидан нафсингизни тийганингиз маъқул. Алкоголь организмни сувсизланишига олиб келади, аммо ўзингизни бу ичимлик туридан тия олмасангиз, енгил пиво ёки унча кучли бўлмаган шаробларни оз миқдорда танлашингиз ҳам мумкин. 

Жазирамада нима истеъмол қилиш лозим?

Бундай кунда энг яхшиси мева ва сабзавотларни истеъмол қилганингиз маъқул.

Турли салатлар, сабзавотли рагу, ҳамда яхна шўрвалар ҳам тавсия этилади. 
Бодринг, тарвуз, қовун, нордон-ширин мевалар салқинлатиш хусусиятига эга. 

Жазирамада жуда ҳам ёғли ва шўр таомларни истеъмол қилишдан ўзингизни сақласангиз мақсадга муофиқ бўлади. Албатта ҳамма нарсанинг меъёри бўлганидек, яхна ичимликлар ва таомларни ҳам меъёрида истеъмол қилганингиз маъқул. Соғлом ва меъёрий овқатланишдан ҳам воз кечиш керак эмас. 

Яна бир қанча фойдали маслаҳатлар. 

Иссиқни енгишда бизга ароматерапия ёрдам бера олади.
Бизга жазирама иссиқ кунларда эфир ёғлари ёрдамга келиши мумкин. Лимонли, грейфрутли ёғларни доим ёнингизда олиб юрсангиз, хидидан нафас олсангиз, иссиқ кунда енгил тортишингиз мумкин.

Ёз кунида термаль суви жуда ҳам аҳамиятлидир. 
Унинг ёрдамида юз терисига, бўйин терисини озгина бўлса ҳам намлантиришга эришиш мумкин. Терини намлантириш учун ҳар ҳил лосьонлар, роликли қаламлар мавжуд.
Яна бир усул бу – инсон танасидаги биологик фаол нуқталарни уқалаш: Етакчи қўлнинг бош бармоғини куч билан босинг (чап қўл билан ишлайдиганлар учун бу – чап қўл). Бурун остидаги нуқтага оғригунча босиб туринг. 

Нафас олишингиз оғирлашган бўлса, тилингиз остига нордон конфетдан солиб олинг. Тил остида юрак томирларини иш фаолиятини йўлга солувчи нуқта мавжуд.

Африкада қадим замонлардан буён танани намлантириш мақсадида бамбукдан фойдаланишган. Бамбукдан тайёрланган шолчаларни полга тўшаб қўйиш мумкин. Корхона ходимларига эса бундай шолчаларни иш креслосига тўшаб қўйиш тавсия этилади. Бундай жазирамани ўтказишингиз енгилроқ кечади. 
Ёз куни ишда ҳам, уйда ҳам фаол ҳаракатли ишлардан ўзингизни чегараласангиз мақсадга муофиқ бўлади. Ақлий ва жисмоний ҳаракатларни камроқ амалга оширинг. Корхонадаги ишни салқинроқ пайтда уйда қилишингиз ҳам мумкин. 

Аммо барча ноқулайликларга қарамасдан жазирама бу - ёзнинг асосий таркибий қисмидир. Ахир бизлар ёзни ҳар йили интизорлик билан кутамиз. Сизларга йил фаслининг бу вақтини бизларнинг маслаҳатларимизни эътиборга олган ҳолда ўзингизга фойдали ва самарали ўтказишингизни тилаб қоламиз. 

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.