AYOL VA BIZNES FORUMI
Yangi O‘zbekiston taraqqiyot strategiyasida ham ayollar tashabbuslarini qo‘llab-quvvatlash masalasi eng muhim yo‘nalishlardan biri sifatida belgilangan. Shu kabi ishlarning amaliy ifodasi sifatida, joriy yilning 8-oktyabr sanasida, Toshkentdagi “Hyatt Regency” mehmonxonasida Oʼzbekiston Respublikasi Savdo-sanoat palatasi, Yoshlar Tadbirkorligini Qo’llab Quvvatlash Markazi, axborot hamkori “Kunutuntv” hamda yana bir qator homiy tashkilotlar koʼmagida “Biz oʼsishga qodirmiz” shiori ostidagi “Аyol va biznes” forumi o’tkazildi.
Unda Oʼzbekistondagi yirik masshtabli biznes egalari: Tamilla Qurbanova, Hilola Obidova, Nafosat Tojiboeva, Gulnoza Yusupova hamda Gulbahor va Go’zal Tojimirzaevalar maruza hamda taqdimotlar o’tkazishdi.
Аnjumanda shuningdek 200 dan ortiq ishtirokchi, jumladan: Tajribali ishbilarmon ayollar va oʼz biznesini yoʼlga qoʼymoqchi boʼlgan yosh qizlar, blogerlar, sanʼatkorlar, davlat va jamoat tashkilotlari vakillari, xorijlik biznes ekspertlar, moliya institutlari vakillari ishtirok etishdi.
