Кармен

Театрнинг барча спектакллари "Туркистон" санъат саройи саҳнасида бўлиб ўтади.

Ҳодиса XIX асрнинг биринчи ярмида Севиля(Испания)да бўлиб ўтади.

Севиля тамаки фабрикаси олдидаги майдон. Аскарлар сабрсизлик билан қоровуллик  алмашишини кутмоқдалар. Микаэла, Хозе бригадирнинг маъшуқаси шаҳарга қишлоқдан келади, аммо севгилисини учратолмайди. Майдонга фабрика ишчилари чиқишади. Улар орасида гўзал лўли қиз - Кармен ҳам бор. Унинг атрофини кўплаб хушторлари ўраб олишган, лекин бари бефойда Карменнинг эс-ҳуши фақат бир одам - Хозеда, аммо у Карменга қиё ҳам боқмайди. Шунда Кармен унга гул отади ва қочиб кетади. Ишчилар фабрикага қайтадилар. Хозе гулдан кўзини узмайди. Микаэланинг келиши Хозени Кармен ҳақидаги ўйларидан чалғитади.

Фабрикадан чинқириқ эшитилади - Кармен урушиб қолган ишчи аёлни пичоқлаб қўяди. Уни қамайдилар. Беғамлик билан сегидильяни хиргойи қилаётган Кармен ўзини озод қилиниши эвазига Хозега мухаббатини ваъда қилиб, унга Лилья Пасти қовоқхонасида учрашув белгилайди. Хозе унга маҳлиё бўлиб, қўлини ечиб юборади. Кармен қочиб кетади.
Лилья Пасти қовоқхонасида Кармен сабрсизлик билан Хозени - қўйиб юборгани учун қамоқда ўтириб чиққан халоскорини кутмоқда. Ҳаттоки тореадор Эскамильо ҳам унинг Хозега бўлган туйғуларини ўзгартиролмайди. Ниҳоят Хозе келади. Карменга бўлган муҳаббати уни ўз бошлиғи Цунигага қарши чиқиб контрабандист бўлиб кетишга мажбур қилади.
Кўп ўтмай Кармен Хозега нисбатан совиб қолади. Энди у бошқани - тореадор Эскамильони севиб қолади.
Микаэла Хозенинг онаси ўлим тўшагида ётгани ва ўғли билан видолашмоқчи экани ҳақида қайғули хабар олиб келади.
Кармен билан учрашувга Эскамильо келади. Хозе у билан жанжаллашади. Кармен тореадорни ўлимдан сақлаб қолади. Кетаётиб Хозе Карменга тез орада учрашишларини айтиб, пўписа қилади!..
Севильядаги майдонда халойиқ буқалар жангини кутмоқда ва кун қаҳрамони  - тореадор Эскамильони олқишламоқда: унинг ёнида эса мағрур ва бахтли Кармен. Хозе келиб Карменга қайтишини сўраб ёлворади. Кармен қулоқ солмайди. Унинг Эскамильога севгисидан ҳеч ким воз кечира олмайди. Хозенинг пўписаларига жавобан Кармен у совға қилган узукни башарасига отади. Ғазаб ва қасос ўтида ёнган Хозе Карменни ўлдиради.