Урфдан қолган либосларга иккинчи имконият

Джиллиан Оуэнс – колумбиялик ёзувчи ва дизайнер. Шу билан бирга у кўпчилик қатори баъзан молиявий қийинчликларга ҳам дуч келиб турган. Жуда тез ўзгараётган мода оламида у ўзини ноқулай ҳис қила бошлаган ва шунда унинг миясига бир ғоя келган. У секонд-хэнд дўконларини айланиб чиққан, урфдан қолган эски кийимларини харид қилиб, уларга янги ҳаёт бахш қилган. Оуэнс ўз блогида шундай дейди: "Бир неча йил аввал мен замонавий мода ҳақиаги қарашларни ўзгартиришга қарор қилдим. Ахир баъзилар кийимларни бир икки мартагина кийиб ташлаб юборадилар, бу сайёрамизга қандай таъсир кўрсатиши ҳақида қайғура бошладим".  
Иқтидорли қизнинг ғояси кўз очиб юмгунча хоббига айланди. У иккинчи ҳаёт бахш этаётган либослар арзон, дидли ва замонавий. Сиз ҳам гардеробингизни бир текшириб кўринг, балки аллақачон урфдан чиқди деб ташлаб қўйган либосингизга иккинчи бор имконият берарсиз?!