Беш Ташаббус Ҳаракати Тошкент 2021

Тошкентда Беш Ташаббус Ҳаракати улкан лойиҳаси бўлиб ўтмоқда.

Мазкур лойиҳа учун махсус шаҳарча бунёд этилган бўлиб, унда рақс, вокал, стрит-арт, футбол, баскетбол, интеллектуал ўйинлар ва бошқалар учун алоҳида ҳудудларга бўлинган.

Жаҳонгир Ортиқхўжаев, Тошкент шаҳар ҳокими:

«Бизда «уюшмаган ёшлар» деб аталадиган тоифага кирадиган айрим ёшлар бор, лекин уларда «уюшган ёшлар»да йўқ деган кўникма ва истеъдодлар бор . «Беш ташаббус» ҳаракатининг асосий мақсади ёш авлод салоҳиятини намоён этишдан иборат».

Шунингдек, Жаҳонгир Ортиқхўжаев тадбир беш кун ичида одамлар қалбида акс садо берса, янада каттароқ ва бундан ҳам зўр фестивални ташкил этиш режалаштирилаётганини таъкидлади.

Voice Fest вокал танловининг координатори журналист - Никита Макаренко бўлди, Dance Fest танлови учун таниқли хореограф – Сергей Злотников таклиф этилди, у ҳам энг иқтидорли иштирокчиларни шахсан танлаб олди. Улар учун фестиваль доирасида ўз имкониятларини намойиш этадиган катта саҳна ажратилди. 

Фаол, замонавий ва мақсад сари интиладиган қизлар учун Аёллар нетворкинги ташкил қилинган бўлиб, унга ҳам алоҳида майдон ажратилган. У ерда бутун фестивал давомида аёллар жамоалари ғоялари тақдимотлари ўтказилади.

Ҳар бир кун машҳур дижейларнинг қайноқ мусиқий кечалари ва иштироки билан якунланади. DJ Trace, Roger Gunn, DJ Sam, DJ Niki, DJ Voynov ҳам DJ Endigo рақс майдонига байрамона кайфият бахш этмоқда.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.