Яхши уйқу учун қайноқ ичимликлар

 
Агар сиз оғир иш кунидан сўнг, ўзингизни жуда толиққандек ҳис этиб, ухлай олмасангиз қайноқ ичимлик ичиш лозим. У сизга нафақат дам олишга, балки кечаси билан яхши, тинч ухлашингизга ёрдам беради. Қандай ичимлик ичишни билмайсизми? У тақдирда эътиборингизга тақдим этаётган яхши уйқу учун бешта қайноқ ичимликлар қўл келиши аниқ. 
 

Ялпизли чой

Бу чой сизни тинчлантиради ва яхши ухлашингизга ёрдам беради. Шунингдек, ялпизли чой кўнгил айнишини тўхтатувчи восита. У фойдали ва мазали. 

Какао

Ушбу аччиқ ичимлик илк бор, майя цивилизациясида истеъмол қилина бошланган. Улар какаони уйқудан олдин ичишганми йўқми, буни албатта ҳеч ким билмайди. Аммо какао яхши уйқу учун айни муддао бўлади. 

Илиқ сут

Илиқ сут ажойиб тинчлантирувчи.  Шу оддий восита билан ота-боболаримиз фойдаланганлар ва ҳозиргача фойдаланишади. Сут кўпгина фойдали элементларга эга бўлиб, тинч уйқу учун энг яхши ичимликлардан бири. 

Мойчечакли (ромашкали) чой

Сутли ичимликларни ҳуш кўрмайдиганлар учун мойчечакли чой тўғри келади. Бу чой сизни  тинчлантиради ва яхши дам олишингизга ёрдам беради. Айнан шундай ичимлик яхши ухлашга ёрдам беради. Чойни ширин қилмасдан, ухлашдан ярим соат олдин ичинг.

 

Қайноқ шоколад

Кўпинча қайноқ шоколадни какао ичимлиги билан адаштиришади, аммо қайноқ шоколад, какаога қараганда анча қуюқроқ бўлади. Бунинг сабаби, какао-ёғ ва какао-кукуни солинишидадир. Шунингдек, какао сувда, қайноқ шоколад эса қаймоқ ва сутда тайёрланади. Бу ичимлик ҳам сизнинг уйқунгиз тинч ва яхши бўлишини таъминлайди. 

Сизга тақдим этмоқчи бўлган яхши уйқу учун қайноқ ичимликлар рўйхати шулардан иборат. Балки сиз бошқа ичимликларни биларсиз, у тақдирда фикрларингиз билан бўлишинг.