«Арслон изидан» фильм тақдимотидан
12 май куни Алишер Навоий номидаги киносаройда «Арслон изидан» номли фильм премьераси бўлиб ўтди. Фильм режиссёри Азиз Раметов.
Ҳамма премьералар каби бу фильм тақдимоти ҳам катта залда намойиш этилди. Самандар Хамроқулов, хамда Камола Эрматова картинанинг ижодий жамоасини таништириб ўтишди.
Фильмда бош ролларни Азиз Раметов, Улуғбек Қодиров, Алихан, Алишер Усмонов, Бекзод Тожиев, Зарина Ширинова, Нодир Мўминов, хамда Нуриллох Жумаевлар ижро этишган.
Бу кинокартинага ишланган саундтрек элимиз ардоғидаги санъаткор Шоҳжахон Жўраев томонидан куйланган.
Фильм, кўплаб инсонларнинг умрига завол бўлаётган «қора дори» савдоси билан шуғуланиб, буни ортидан бизнес қилаётган шахслар хақида. Афсуски бундай инсонлар орамизда кам эмас. Айнан мана шу картина оркали фильм ижодкорлари «жамият бузғунчилари» албатта ўз жазоларини олишлари муқаррар эканлигини тасвирлаб беришган.
Тасвирга олиш ишлари узоқ вақт давом этиб, Ўзбекистон, Тожикистон, Россия, Туркия, хамда Бирлашган Араб Амирлигининг Дубай шаҳрида бўлиб ўтган. Фильмда графикадан ҳам фойдаланилган.
«Арслон изидан» фильмини 13 майдан пойтахтимиз кинотеатрлари катта экранларида томоша қилишингиз мумкин.
ИЗОҲЛАР 0