Барон фильми премьера санаси аниқ бўлди

Ҳозирги кунда бутун дунёда жиддий муаммога айланган гиёҳвандлик ва наркобизнесга қарши олиб борилаётган кураш ҳақида ҳаётий мисоллар асосида ҳикоя қилинган «Барон» номли тўлиқ метражли бадиий фильм «Ўзбеккино» Миллий агентлиги буюртмасига мувофиқ «Davr-Premyer» киностудиясида режиссёр Рустам Саъдиев томонидан суратга олинди. Мазкур фильмнинг оммавий ахборот воситалари, ҳамда маданият ва санъат намоёндалари учун ёпиқ премьераси жорий йилнинг 15 январ куни соат 14:00да Алишер Навоий номли кино саройи кичик залида, кенг жамоатчилик учун тақдимот эса 16 январ куни соат 18:00да Алишер Навоий номли кино саройида ўтказилади.