«Муқаддас истак» фильмининг илк трейлери эълон қилинди

Режиссёр Хилол  Насимовнинг «Муқаддас истак» деб номланган фильм устида иш олиб бораётгани ҳақида аввал сайтимизда хабар берган эдик.

Мазкур фильм давлат буюртмаси асосида «Ўзбекфильм» киностудиясида ишлаб чиқарилган бўлиб, унинг илк трейлери томошабин ҳукмига тақдим этилди.  

Режиссёрнинг бизга берган маълумотига кўра, фильм 1988-1992 йилларни ўз ичига олган бўлиб, у мустақилликдан олдинги, ҳамда мустақилликнинг дастлабки таҳликали йилларини ўз ичига олади. Фильмда истиқлолга эришишдаги қийинчиликлар, ночор аҳвол, моддий қийинчиликлар, давлатимизнинг мустақиллигини, озодлигини хоҳламасдан ҳар хил хуружлар уюштирган гуруҳлар фаолияти ҳақида ҳам сўз боради. 

Фильмда Соҳиб Аббосхон, Лола Элтоева, Гулбаҳор Йўлдошева, Эркин Комилов, Муҳаммад али Абдуқундузов, Юлдуз Ҳамидова, Фарҳод Абдуллаев, Дилмурод Масаидов, Самиддин Лутфуллаев, Шаҳноза Аҳмедова, Акмал Мирзо сингари актёр ва актирисалар роль ижро қилишган.

Фильм премьераси ҳақида ҳозирча аниқ маълумот йўқ.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.