Ҳотам Файзиев хотира кечаси
Ҳотам Файзиевни ва унинг ишларини ёдга олиш учун буюк кинорежиссёрлар – Элёр Ишмухамедов ва Али Ҳамроевлар ташриф буюришди.
Муаллифнинг «Ўзбекфильм» даги энг машҳур ишлари: «Сен етим эмассан»(1962); «Тошкент-нон шаҳри» (1967); «Абу Райҳон Беруний» (1975);«Эҳтиёт бўл! Илонлар!» (1980); «Ўртоқ Бойкенжаев» (2002) ва бошқалар.
«Фавқулотда коммисар» фильми учун Ҳотам Файзиев 1971 йилда Хамза номидаги Ўзбек ССР Давлат премиясига сазовор бўлган.
Тадбирнинг очилишида Ҳотам Файзиев ижоди ва шахсий ҳаёти тасвирланган ҳужжатли фильм намойиш этилди.
Ҳотам Файзиевнинг дўстлари – режиссёрлар Шуҳрат Аббосов ва Юсуф Розиқов дўстининг иқтидорини ва ўз ишига завқ билан ёндашишини эслаб ўтишди.
Фильмдаги интервьюлардан парча.
Али Ҳамроевнинг сўзи: «Мен биринчи марта уни 1956 йилда, Москвада, институтда кўрганимда, унинг чуқур кўзлари эътиборимни тортган эди. Мен ундан қаердан эканлигини қизиқиб сўрадим ва иккаламиз ҳам Тошкентдан бўлиб чиқдик. Мен у билан дўст тутиндим ва ҳаммаси шундан бошланди».
Турмуш ўртоғи Раъно Файзиева билан Америкадан тўғридан тўғри мулоқот
Оилавий фото
Алишер, Ҳотам Файзиевнинг ўғли: «Фильмнинг бошидан охиригача тинмай йиғладим. Жуда зўр иш бўлибди. Менда жуда катта таассурот қолдирди». |
Тадбирнинг иккинчи қисмида барча дўстлар ва ҳамкасблар хотиралар билан бўлишдилар. Жуда кўп яхши сўзлар айтилди.
Али Ҳамроев, кинорежиссёр ва сценарист: «Ҳотам Файзиевнинг яшаб ўтган ёрқин хаёти бугун биз шу ерда жамланишимизга сабаб бўлди. У жуда ажойиб режиссёр бўлган. Кичкина махаллада, кичкина одамлар орасида катта бўлган кичкина одам. У хақиқий ўзбек халқини, унинг очиқ қалбини, тарбияси ва катталарга бўлган ҳурматини кўрсатиб бера олган. Унда туғма истедод бўлган». |
Тамара Камалова, режиссёр: «Энг сара ўзбек фильмларни у суратга олган. Барча фильмларда ҳурмат ва эҳтиром акс этиб туради. Экран орқали сенга бир воқеани сўзлаб бераётганида, унинг ҳар бир сўзига ишонасан». |
Жасур Исҳоқов, сценарист ва режиссёр: «Ҳотам Файзиев – даҳо кинооператор. Ёшлигида сочи шунақанги жингалак эди ва Эйнштейнга ўхшар эди. Унинг ажойиб ҳислатларидан бири – суратга олиш жараёнида майдонга жуда узоқ вақт чироқ қўяр эди». |
Бахтиёр Ихтиёров, актёр: «Яхши одам бу – касб эмас. Ҳотам Файзиев ҳақиқатдан ҳам актёрларни жуда ҳурмат қилар эди. «Абу Райҳон Беруний» фильмида мен илк бор жиддий одам ролини – Суҳробни ўйнаганман. Бу ишга биз бутун қалбимиз билан ёндашганмиз». |
Николай Чижов, режиссёр: «У жуда яхши оператор. Ўзбек кинемотографияси бирлашмасининг Раиси ҳамда Республика фестивалларининг хайъат раиси эди. У илк мукофотни фестивал иштирокчиларга тақдим этмай, уларга интилиб ишлашлари учун шароит яратган эди. У ўзи сценарий устида бош қотирар, оператор бўла туриб, ўзи режиссёрлик қилиб, ўзи саҳналаштирар эди». |
ИЗОҲЛАР 0