Dj Piligrim янги «Om» номли альбомини тақдим этди

28 август, якшанба куни, Cinzzano Terazza масканида DJ Piligrim ижоди ихлосмандларига «Om» номли ҳинд мантралари ўрин олган янги альбомини ҳавола этди. Тақдимот ёпиқ маросим руҳида, дўстлар ва яқинлар даврасида ўтди. 

Хонандада «Om» альбомининг яратиш ғояси ҳинд фалсафаси ва йогасига бўлган катта муҳаббати ва қизиқиши сабабли пайдо бўлган. 

Альбомдан ҳаммаси бўлиб ҳинд тангриларини тараннум этувчи мантраларга бағишланган 12та мусиқий трек ва 6та бонус трек ўрин олган. 

Шу куни Самживани мантрасига суратга олинган клипнинг бўлиб ўтган премьераси эса оқшомнинг ёқимли ва ёрқин тарафларидан бири бўлди.

Клининг асосий маъноси – эзгулик ва ёвузлик ўртасидаги кураш. Ҳар бир инсон хато йўлга кириши мумкин, лекин қоронғуликдан нурли йўлга чиқиш йўли ҳар доим бор! 

Барча мусиқий сэт муаллифники бўлиб, тўртта профессионал студияларда ёзилган. Вокал – Мохизар Номанжанова, Илхом Йўлчиев. Овоз ёзиш  – Александр Кхван, Кувониш Собиров. Аранжировка ва инструментал – Жасур Бадалбоев. Уйғунлаштириш ва Мастеринг – Владимир Карпов ва Мистер N'zerro. Ғоя муаллифи ва лойиҳа продюсери – Илхом Йўлчиев ( DJ Piligrim).

Тақдимот билан хонандани табриклаш учун Раъно Шодиева оиласи билан, Амира Алибекова, дизайнер Хилола Шер ва кўпгина ҳамкасблари ва дўстлари ташриф буюришди. 

Янги «Om» альбоми тақдимотидан фотоҳисоботни бу ерда томоша қилинг, шунингдек «Gayatry» композициясига суратга олинган клипни сайтимизда томоша қилинг.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.