Клип съёмка жараёни: Муниса Ризаева - «Хафа-хафа»

Эстрадамизнинг шаддод хонандаси Муниса Ризаева доимгидек тўхтамай ижод уммонида. Янги «Хафа-хафа» деб номланган таронасини тақдим этганига кўп вақт бўлмай, хонанда 2 июнь санасида ижодий жамоаси билан унга клип олиш ишларини бошлаб юборди. 

Хонанданинг айтишича мазкур клип сюжет йуналишида бўлиб, асосий урғу эр-хотин муносабатига қаратилган, клипда оилавий муҳит тасвирлаб берилади.

Клипни тасвирга олиш ишлари ўз ижоди билан элга танилган ва Мунисанинг доимий ижодий ҳамкори клипмейкер Ёдгор Носиров. Оператор Жаҳонгир Ибрагимов. 

Таронага тўхталиб ўтадиган бўлсак, қўшик сўзлари Манго гуриҳи вакилларидан бири Ҳамдам каламига мансуб, мусиқий сайқал устида эса Жамшид Ғаффоров иш олиб борган.

Клип ғоя муаллифи Даврон Кабулов, шунингдек, у бош роль ижрочиси ҳам.

Бош ролларни Муниса Ризаеванинг ўзи ва Даврон Кабуловлар ижро этишмокда.

Клипдаги образларни яратишда Лидия Андре иш олиб борди. Айтиш жоизки, съёмка ишлари тунгача давом этди. 

Муниса Ризаева:

«Мен доим ўзгача тарзда ижод қилишга ҳаракат қиламан, чунки мухлисларим ўзгача Мунисани кўриб ўрганишган. Шунинг учун ҳозир тўхтамай янги ижод ишларини тайёрламоқдамиз. Янги қўшиқ, клиплар ва октябрь ойларига концерт дастуримни режалаштирмоқдаман».

Демак, ўзгача йўналишда ижод қиладиган хонандадан тез кунда янги клипни кутиб қоламиз.

Эслатиб ўтамиз, бундан аввал Муниса Ризаева мухлисларига «Қоп-қора» қўшиғи ва Райҳон билан куйлаган «Бор ёки йўқ» дуэтига суратга олинган клипларни тақдим этган эди. Мазкур клипларнинг съёмка жараёнлари билан сайтимизда танишинг. «Қоп-қора» клипини суратга олиш жараёни. «Бор ёки йўқ» клипининг съёмка жараёни. 

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.