Концертлар ва шоу
Fevralda kutilayotgan 5 ta konsert
00:00
Now playing
Выберите радиостанцию
Концертлар ва шоу
20 март 10:52
Муниса Ризаевадан альбом тақдимоти
19 март куни "Discovery" медиа дўконида, 2014 йилда илк яккахон концерт дастурини ўтказган, доим мухлисларининг диққат марказида бўлган шаддод, ўз услубига эга ва мухлисларининг севимли хонандаси Муниса Ризаева альбом тақдимотини ўтказди.
"Discovery" медиа дўконлари тармоғида эндиликда сиз, Муниса Ризаеванинг "Қалбим навоси" номли альбомини ва 2014 йилда хонанданинг бўлиб ўтган илк яккахон концерт дастури видеодискини харид қилишингиз мумкин бўлади. Бу Муниса Ризаеванинг концертига ташриф буюра олмаган мухлислари учун ҳақиқий туҳфа бўлди деса ҳам бўлади.
Хонанданинг "Қалбим навоси" аудио дискидан 21 та қўшиқ жой олган бўлиб, Afsona (Dj Jaha remix) қўшиғи бонус тарзида тақдим этилган.
Муниса Ризаева аввал қўшиқлар тўпламини тақдим этганлигини, аммо бундай расмий тарздаги альбом тақдимотини илк бора ўтказаётганлигини айтиб ўтди. Ташриф буюрганлар билан хонанда жуда ҳам очиқ, ҳеч бир расмиятчиликсиз суҳбатлашди. Берилган саволларга ҳаққоний жавоблар берди.
Хонанда 2014 йилдаги концерт дастурининг видеодискини қўлига олиб, ушбу концертда режалаштирилган кўпгина нарсаларни амалга ошира олмаганини ва кучли ҳаяжонда бўлганлигини, ҳаттоки буни видеода ҳам кўриш мумкинлиги ҳақида айтиб ўтди ва барча мухлисларидан узр сўраб йўл қўйилган ҳатоликлар инобатга олиниб, келгуси концертида уларни бартараф этишга сўз берди.
Хонандага турли ҳил саволлар берилди ва ушбу саволлар орқали ташриф буюрганлар хонанда билан боғлиқ кўпгина нарсалардан воқиф бўлдилар.
Шу куни Муниса Ризаева қалби доим муҳаббатга ошна эканлигини, севгисиз инсон яша олмаслигини, у ўз мухлисларини фанклубини жуда ҳам яхши кўришини айтиб ўтди. Шунингдек, хонанданинг мухлислари ҳозирда у, ўзбек тилини чуқур ўрганаётганлигини, янги альбом устида иш олиб борилаётганлиги ва янги альбомда катта эътибор қўшиқ сўзларига қаратилаётганлиги каби маълумотларни билиб олдилар.
Яна бир тўлиқ маълумот ўрнида хонанда, бу йил иккита дуэт қўшиқ ижроси амалга оширилиши, булардан бири чет эллик таниқли юлдуз билан, кейингиси эса ўзбек эстрадасининг кўзга кўринган вакили билан ҳамкорликдаги дуэт бўлишини маълум қилди. Дуэтдошлар исми албатта ошкор этилмади. Хонанда бу мухлислари учун сюрприз бўлишини айтиб ўтди.
.jpg)
Муниса Ризаева барча хонандалар ичидаги энергетикаси жуда ҳам кучли санъаткорлардан бири. Буни исботини яна бир бор ушбу альбом тақдимотида кўриш мумкин бўлди.
Хонандада ҳозирги кунда учратиш қийин бўлган, очиқ кўнгиллик ва самимийлик ҳислатларини кўрдик. Бу эса ушбу санъаткорга бўлган ҳурматни янада оширишга сабаб бўла олади деб ўйлаймиз.
Альбом тақдимоти жуда ҳам жонли, кўтаринки руҳда ўтди. Хонанданинг мухлислари, ташриф буюрганлар ва Муниса Ризаеванинг ўзи ҳам ушбу учрашувдан катта завқ олдилар десак, муболаға бўлмайди.
Азизлар шунингдек, севимли хонандангиз Муниса Ризаевадан махсус сиз учун видеотабрикни эътиборингизга ҳавола этамиз.
Марҳамат кўринг ва завқ олинг!
Kunutun.uz нинг Telegram’даги расмий
каналига обуна бўлиб, янгиликлардан кунутун хабардор бўлинг.
Нашр санаси:
20-03-2015
Шошилманг
Оммавий ахборот воситаси давлат рўйхатидан ўтганлиги ҳақидаги гувоҳнома № 0942 ЎзМАА томонидан 09.01.2013да берилган
© 2013-2020 Барча ҳуқуқлар ҳимоя қилинган. Фотосуратлар, сайт дизайни (ташқи безаги),
муаллифлик материаллари, ёки сайтда жойлаштирилган бошқа ҳар қандай материаллардан
фойдаланиш фақат сайт маъмурияти рухсати билан амалга оширилади. Сайтдан маълумот руҳидаги
ҳар қандай материални олиб бошқа сайтда жойлаштирилганда манбага фаол ҳавола кўрсатилиши шарт.
ИЗОҲЛАР 0