Муниса Ризаеванинг "Қалбим навоси" номли концерт дастури

Ўзбек эстрадасининг гўзал, ўз услуб ва йўналишига эга, минглаб мухлисларнинг севимли хонандаси ва бетакрор овоз соҳибаси Муниса Ризаева ва ниҳоят ўз ижоди шинавандаларини шод этадиган бўлди. Хонанданинг яккахон концерт дастури бўлиб ўтиш куни маълум бўлди. 

Муниса Ризаева 2014 йилнинг 7,8,9 октябр кунлари "Қалбим навоси" деб номланган концерт дастурини тақдим этади. 

Муниса Ризаева ўзбек эстрадасига кириб келган қисқа даври ичида жуда ҳам машҳур ва талабгир хонандалардан бирига айланди деса муболаға бўлмайди. Унинг бетакрор, ўзига хос йўналиши ҳар бир мухлисининг қалбидан жой олган. Хонанда доим бизни ажойиб, такрорланмас ижод маҳсуллари билан шод этиб келади. Албатта ушбу бўлиб ўтадиган концерт дастурида, ўйлаймизки Муниса кутилмаган совғалари билан ўз мухлисларини ҳайратга сола олади.