Нилуфар Усмоновадан кутилган романтик клип премьераси

Муҳаббат бу - энг гўзал, ажойиб туйғулардан бири. Ҳеч биримиз бу туйғусиз ҳаётимизни тасаввур қила олмаймиз. Эстрадамизнинг энг шўх-шодон хонандаларидан бири Нилуфар Усмонова бу сафар мухлисларини ошиқлар қалбини ҳаяжонга солувчи, муҳаббатни тараннум этувчи сокин таронани ва унга ишланган ажойиб романтик клипни тақдим этишга қарор қилди. 
"Севги қиссаси" номини олган таронага ишланган клипни томоша қилиш вақтида сиз, икки инсоннинг энг бахтли онларини, севги қиссаларини кўришингиз мумкин бўлади. Романтик муҳит, декорациялар, ажойиб оқ либосдаги Нилуфар Усмонова ва бунинг барчасига янада кўрк бағишловчи сокин тарона ҳамроҳлик қилган клип, кўпчилик севишган қалбларнинг энг севимли клипларидан бири бўлиши шубҳасиз.