Отабек Муталхўжаевдан “Онамни йиғлатманглар” таъсирли клип премьераси

Истеъдодли хонанда Отабек Муталхўжаев ўз мухлислари ҳукмига  “Онамни йиғлатманглар” деб номланган таъсирли клипни ҳавола этдилар. Ушбу клипни томоша қилиб, қўшиқнинг таъсирли сўзларини тинглар экансиз, кўнгли дарё онанинг фарзандига бўлган улкан меҳр-муҳаббатини, доимий юракдаги соғинчини кўриб кўзларизга ёш келиши табиий хол. 

Клипда ўғил фарзанд ролига аввал бошқа актер таклиф этилиши керак эди, аммо бу фикрдан хонанда воз кечиб, бош қаҳрамон ролини ўзлари ижро этишга қарор қилганлар. Клип ижодкорлари, жумладан Отабек Муталхўжаевнинг ўзлари ҳам она образида фақатгина маҳоратли актриса Саида Раметовани кўришган, шу сабабли ҳам айнан улар клипда барча ўзбек оналари тимсолини ижро этганлар. Клипда бош қаҳрамоннинг болалик, ўсмирлик ва балоғатга етган даври акс этган бўлиб, бу даврларни 3 та актер ижро этган. 
Клипда тасвирга тушган барчанинг кўз ёшлари сохта бўлгани йўқ, бари ҳақиқий юракдан чиққан ҳолда бўлган. 
Клип ҳақиқатда фикр юритишга, ҳаётий сабоқ олишга ундайди. 

Шуни ҳам айтиб ўтиш жоизки, Саида Раметова қўшиқ ва клип сценарийсидан қаттиқ таъсирланиб, ушбу видеоклипда беминнат (гонорарсиз) рол ижро этиб берганлар. 

Азизлар клипни кўриб, ўзингиз фикр юритинг.