Концертлар ва шоу
Fevralda kutilayotgan 5 ta konsert
00:00
Now playing
Выберите радиостанцию
Концертлар ва шоу
Озодбек Назарбеков: “Ардоғимдасиз” концерти
"Истиқлол" санъат саройида Ўзбекистон ва Қорақалпоғистон Халқ артисти ва ўзбек элининг энг севимли санъаткори Озодбек Назарбековнинг “Ардоғимдасиз” деб номланган навбатдаги яккахон концерт дастури кунлари бошланди.
Таҳририятимиз ушбу концерт дастурининг илк кунига ташриф буюриб, қуйида шу кундан фоторепортажни сиз азизларнинг эътиборингизга ҳавола этмоқда.
Ҳеч биримизга сир эмаски хонанданинг барча ашаддий ва вафодор мухлислари ҳар йили унинг концерт дастурини бошланишини интизорлик ва сабрсизлик билан кутадилар.
Концерт давомида хонанда ва унинг созандалари ҳам бу йилги концерт дастурига доимгидек катта маъсулият билан тайёргарлик кўрганликларини гувоҳи бўлдик.
Катта эътибор саҳнадаги чироқлар “ўйинига” ва декорацияга қаратилган бўлиб, дастур давомида ҳар бир қўшиққа мос руҳиятда экрандаги кадрлар кетма-кетлиги ўзгариб борарди. Улардаги намойиш этилаётган кадрлар эса қўшиқ билан уйғунлашган ҳолда мухлисларни қўшиқ оғушига чорларди.
Бутун концерт давомида Озодбек Назарбеков ўзининг қадрдон мухлислари билан саҳнада туриб мулоқат қилишни, дилдаги сўзларини, ҳаяжонларини айтиб туришни ҳам унутмадилар.
Хонанда ҳамма қўшиқларни жонли ва юракдан чиқариб ижро этдилар. Ҳар бир тарона мухлис қалбидан жой олиши учун жон куйдириб, бутун вужуд билан куйланиши катта аҳамиятга эга. Озодбек Назарбеков айнан мана шундай санъаткорлардан бири десак, муболаға бўлмайди.
Ушбу кун ташриф буюрган ҳар бир мухлис гўзал, таъсирли, ўйлантирадиган, йиғлатадиган ва албатта рақсга чорловчи шўх қўшиқлардан, ҳамда созандаларнинг маҳоратли ижросидан, раққосаларнинг жозибали ҳиромларидан баҳраманд бўлдилар.
Хонанда ҳар бир концерт дастурида ўз устозларини ёдга олиб уларга миннатдорчилик билдиришлари ҳеч кимга сир эмас. Бу йилги концерт ҳам бундан мустасно бўлгани йўқ. Мархум санъаткор Муҳриддин Ҳоликов репертуаридан ўрин олган ''Ёдимда қол'' номли композицияни устоз созанда Искандар Муродов ижросидаги саксафон оҳанглари остида куйлар экан, қўшиқ сўнггида устози Муҳриддин Ҳолиқовга, Искандар Муродов ва Шамсиддин Ҳолмуродовларга алоҳида миннатдорчилик билдириб, барча олқишлар улар шарафига эканлигини ҳам айтиб ўтдилар.
Хонанда мухлислар талаб-истагидан келиб чиққан ҳолда концертдаги ҳар бир деталга, ҳатто ўзининг концерт либосларига катта эътибор билан ёндашган бўлиб, устидаги костюмларини алмаштиришни ҳам унутмадилар.
Хонанданинг бу йилги концерт либослари устида пойтахтимизнинг энг машҳур ва ҳозирги кундаги энг талабгир дизайнерларидан бири Дилдора Қосимова ишлаган.
Хонанда саҳнани тарк этган вақт эса, мухлислар зерикиб қолмасликлари учун кулгу устаси Аваз Оҳун ҳазиллари билан уларни кулдиришни ўз зиммасига олди. Албатта саҳнада янграган барча ҳазиллар Озодбек Назарбеков шарафига айтилди.
Шунингдек, мухлислар қаторида ўтирган опера санъат устаси Женизбек Ниязов шу куни Озодбек Назарбековнинг таклифи ва илтимосларига кўра саҳнага чиқиб, бир парча ария ижро этиб бердилар.
Концерт давомида талабларга биноан репертуардан бир оз чикиниш қилиниб, мухлислар севган ва тинглашни исташган қўшиқлар ҳам ижро этилди.
Концернинг илк кунида иштирок этиб, Озодбек Назарбековнинг концерт дастурига ташриф буюрган ҳар бир мухлис ҳақиқатда ҳам маънавий озуқа олишини ҳеч бир шубҳасиз айта оламиз.
Хонанда, концерт сўнггида жонли ижро сабабли бу йилги концерт дастурининг ҳар куни ўзгача тарзда ўтишини ва мухлислар талаб-истакларига биноан репертуардаги қўшиқлар ўзгариб туришини таъкидладилар.
Шунданг сўнг эса, вақт гуллар олишга етиб келди! Гуллар оқими тўхтамасди...
Шуни ҳам айтиб ўтиш жоизки, концерт дастурининг яна 17 куни олдинда бўлса-да залда бирон-бир бўш ўриндиқ йўқ эди...
Биз ўз ўрнида концертнинг ҳар бир куни шу тарзда ўтишини тилаб, хонандага доимо омад ёр бўлишини тилаб қоламиз.
Концерт кунлари олдинда. Дилга ҳақиқий ором бағишловчи концерт дастурига ташриф буюриш имконини бой берманг азизлар.
Концертдан тўлиқ фотоҳисоботни бу ерда кўришингиз мумкин.
Концертдан тўлиқ фотоҳисоботни бу ерда кўришингиз мумкин.
Kunutun.uz нинг Telegram’даги расмий
каналига обуна бўлиб, янгиликлардан кунутун хабардор бўлинг.
Нашр санаси:
09-04-2015
ИЗОҲЛАР 0