«Қор маликаси» мюзикли ҳақида 10та қизиқарли фактлар

Ҳақиқий қишки ва оилавий мюзикл «Қор маликаси»га таёргарлик жараёни қизғин давом этмоқда. Янги постановка нафақат ўзбек тилидалиги билан, балки кўплаб бошқа ўзгаришлар билан фарқ қилади. Биз репетиция жараёнида қатнашиб, қизиқ фактларнинг 10талигини билиб олиш имконига эга бўлдик.

1. Бош қаҳрамон – эртакчи ролини илк маротаба Ўзбекистон халқ артисти, бутун дунёга машҳур опера хонандаси Рамиз Усмонов ижро этган.

2. Актёрлар жамоаси лойиҳа режиссёрлари Ҳасан ва Ҳусан Солиховлар томонида кастингсиз танлаб олинган.

3. Мюзиклнинг энг ёш иштирокчиси, Кай роли ижрочиси – Камрон Саидмуродов 14 ёшда. 

4. Аввал Ҳасан Солиховнинг ўзи ижро этган маслаҳатчи ролини эндиликда актёр Аброр Йўлдошев жонлантиради. 

 

 

 

 

5. Di Lux хореография мактаби терма гуруҳи – мюзиклнинг рақс саҳналарини ижро этадиган ягона гуруҳ. 

6. Қироллик қарғаси роли ижрочиси – артист ва хонанда Жасур Мирсагатов бу ролни ижро этиш қийинчилик туғдирмагани, унинг ўзи ҳам ҳаётда импульсив, жўшқин ва қувноқ инсон эканлигини тан олган.

 

 

 

 

7. Мюзиклни ўзбек тилига таржима қилиш учун профессионал таржимонлар ёлланган бўлиб, қўшиқлар таржимасида Ҳасан ва Ҳусан Солиховлар шахсан қатнашганлар. 

8. Қирол роли ижрочиси Муҳаммадисо Абдулхаиров болаликдаги энг севимли фильми айнан «Қор маликаси» бўлгани ва уни такрор-такрор кўрганини тан олди. 

9. Мюзикл Герда – иродали, кучли ва жасур қиз қилиб жонлантирилган Евгений Шварц пьесаси бўйича саҳналаштирилган. Андерсен эртагига кўра Герда укасини ўлимига ишониб, тушкунликка тушиб қолган ёш қизалоқ бўлган. Герда ролини ёш ва истеъдодли актриса Ситора Алимжонова ижро этади. 

10. Режиссёрнинг сўзларига қараганда актёрлар жамоасини «оғир артиллерия» деса ҳам бўлади, чунки мюзиклда энг иқтидорли актёрлар роль ижро этишмоқда. Бу шоунинг ёрқин ва унутилмас бўлишига ваъда беради. 

Ҳасан ва Ҳусан Солиховлар таъбирига кўра «илк оилавий мюзикл» 2016 йилдан бери қўйилаётган бўлиб, русийзабон аудиторияда катта муваффақият қозонган. Бу сафар барча ҳаракат ўзбек тилидаги версияси томошабинлар кутганидан ҳам аъло даражада ўтишига қаратилган.

«Қор маликаси» оилавий мюзикли ижодкорлари лойиҳа ҳақида билдирган фикрлари билан эса бу ерда танишинг.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.