Райҳондан ижодий янгиликлар

19-23 февраль кунлари «Истиқлол» санъат саройида бўлиб ўтадиган концерт дастурига тайёргарлик кўраётган хонанда Райҳон янги қўшиғига клип суратга олдирмоқда шунингдек, Golden Panther Music Awards маросимида иштирок этиши маълум бўлди. 

Хонанда Райҳон янги ижод маҳсули, «Томчи» қўшиғига Санжар Маткаримов режиссёрлигида клип суратга олдирмоқда.

Клипда бош ролларни таниқли актёрлар Алишер Узоқов ва Муқаддас Саъдуллаева ижро этмоқдалар. Шунингдек, клипда Ўзбекистонда хизмат кўрсатган артист Гулчеҳра Саъдуллаева ва дебютант актёр Шаҳзод Султоновларни ҳам кўришингиз мумкин. Маҳзун йўналишда куйланган тарона тез кунларда мухлислар эътиборига ҳавола этилади.

Ундан ташқари, Райҳон Ғаниева 2018 йилнинг 25 февралида Нью Йорк шаҳрида бўлиб ўтадиган нуфузли халқаро мукофотлардан бири Golden Panther Music Awards - «Олтин Пантерра» тақдирлаш маросимида иштирок этади.

 

Публикация от Goldenpantherawards_Official (@goldenpantherawards_official) Дек 24, 2017 at 9:07 PST

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.