Сарвар ва Комилдан яна бир севги тарихи

Беном гуруҳи ижодкорлари Сарвар ва Комил ўзининг янги «Бахтли бўл» деб номланган таронасига клип суратга олдирди.

Бу янги тарона сентябрь ойида оммага тақдим этилган эди. Тарона маҳзун ва сокин бўлиб, қўшиқ шеъри ва мусиқаси Сарвар ва Комилнинг ўзларига мансуб.

Клипда бош ролларда Алишер Узоқов, Манго гуруҳи ижодкори Ойбек Муқимов ва Динара Исалиева.

Мазкур таронага ишланган видеоклип режиссёри Жамшид Хожиниёзов. Оператор Бехзод  Пулатов.

Сарвар ва Комил

«Клип суратга олиш жараёни  бир ойга чўзилди. Биз бу таронамиз учун клип суратга олиш режамизда йўқ эди. Аммо Бехзод Пулатов шу таронамиз учун  клип ғоясини айтганида, бизга жуда ҳам ёқди. Клип режиссёри Жамшид Хожиниёзов шу ғояни янада бойитиб суратга олди. Клипни яқин кунларда кўришингиз мумкин бўлади».

Жамшид Хожиниёзов, клип режиссёри

«Клип сюжет йўналишида бўлиб, у муҳаббат ҳақида. Ўз муҳаббатини яқин дўстига раво кўрган бир йигит ҳикояси. Қолган маълумотларни мухлислар клипни кўриб, ўзлари гувоҳ бўлишлари мумкин бўлади. «Бахтли бўл» таронасига ишланган клип мухлисларга манзур бўлади деган умиддамиз».

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.