Шаҳзодадан ваъда қилинган "Шунчаки" клип премьераси

Ёдингизда бўлса мафтунокор хонанда Шаҳзода "Шунчаки" таронасига клип суратга олаётганлиги ва у тез кунларда мухлислар эътиборига тақдим этилиши ҳақида хабар берган эдик. 
Хонанданинг мухлислари томонидан қизиқиш билан кутилаётган клип тайёр ҳолга келди ва томошабинлар ҳукмига тақдим этилмоқда. 
Таронанинг яратилишида, шунингдек, клипни суратга олиш ишларида Беном гуруҳи вакиллари Сарвар ва Комиллар иштирок этганлар.
Клип сюжети орқали томошабин  доимгидек чин муҳаббат ҳикоясини ва ёшликдаги беғубор севги нақадар пок эканлигини кўради. 
Актерлар ижроси, Шаҳзоданинг маъно тўла кўзлари, овоз эффектлари ҳақиқатда юқори даражада бўлиб, барча-барчаси хонанданинг мулисларига маъқул келади деб ўйлаймиз.