Инсон ресурсларини ривожлантириш Ўзбек-Япон Маркази

Инсон ресурсларини ривожлантириш Ўзбек-Япон Маркази Ўзбекистон ва Япония ҳукуматлари ўртасидаги 2000 йил октябридаги битимга асосан ташкил қилинган. Марказни  Ўзбекистон Республикаси Ташқи экономик алоқалар, инвестициялар ва савдо вазирлиги бир томондан, ва Япон Халқаро Ҳамкорлик Агентлиги (JICA) иккинчи томондан таъсис этганлар.
Бу янги ижтимоий ташкилотнинг мақсади Ўзбекистонда бизнесни ривожлантириш учун кадрлар тайёрлаш, ҳамда ҳамжиҳатликни чуқурлаштириш ва мамлакатларимиз ўртасидаги дўстона муносабатларни турли маълумотлар, Япония маданияти ва тилини бу мамлакатга  қизиқиш билдирган Ўзбекистон халқига етказиш йўли билан ривожлантиришдир.
Марказ кенг доирадаги омма: талабалар, битирувчилар ва шунчаки, Япония ҳақида бирон-нима билишни истаган ва мамлакатларимиз ўртасидаги маданий бойликларни ўртоқлашишда қатнашмоқчи бўлганлар  учун очиқ.
Ўзбек-Япон Марказининг фаолияти
Бизнинг Марказ тўрт асосий йўналишда фаолият юритади:
·         бизнес курслар ташкил этиш;
·         япон тилини ўргатиш;
·         кар ва эшитиши заиф шахсларни компьютер саводхонлигига ўргатиш;
·         мамлакатларимиз ўртасида маданий ва информацион ўртоқлашувга кўмаклашиш.