Фаррух Зокиров кузда концерт бериши мумкин

Афсонавий «Ялла» гуруҳи яккахони Фаррух Закиров UzbekistanToday нашри билан бўлиб ўтган суҳбатда яқин орадаги ижодий режалари билан ўртоқлашган.

Маълум бўлишича, Фаррух Зокировнинг яқин беш йил ичида Россиялик бастакор Ю.С.Энтин билан ҳаммуаллифликда ғарб меҳмонлари иштирокида эски фильмнинг мюзикл-ремейкини яратиш ижодий режасида бор. Фаррух Зокировнинг айтишича, мазкур мюзиклда у томошабин қаршисида нафақат муаллиф ёки хонанда, балки продюсер сифатида ҳам намоён бўлишни истайди.

Шунингдек, Фаррух Каримович суҳбатда: «Бу йил афсонавий Ялла гуруҳи Ватандошларга ўзининг концерт дастурини тақдим этишга кўпгина сабаблар бўлди...», деган саволга: «Ҳар кунги югур-югурлар билан биз янги дастурни тайёрлашга улгурмадик. Кузда буни тўғрилашга ҳаракат қиламиз. Бу ўзига ҳос ижодий ҳисобот бўлади», дея жавоб берган.

Албатта «Ялла» гуруҳининг минглаб мухлислари учун бу ажойиб хабар, аммо суҳбатда концерт қайси ой ёки санага режалаштирилаётгани маълум қилинмаган.

Эслатиб ўтамиз, жорий йилнинг 17 апрел кунида Ўзбекистон Халқ артисти Фаррух Зокиров ўзининг 70 ёшлик юбелейини нишонлаган. Яқинлар, дўстлар ва ҳамкасблар даврасида ўтган Фаррух Зокировнинг юбилейидан эксклюзив фоторепортаж бу ерда.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.