Хонанда Шароф Муқимов уйланди
Хонанданинг никоҳ оқшоми 25 июнь куни пойтахтимиздаги Flagman ресторанида бўлиб ўтган. Маълумотларга қараганда санъаткор Хуснора исмли мухлисаси билан турмуш қурган. Тантанали оқшом сабабчларини табриклаш мақсадида ўзбек шоу-бизнесининг кўплаб таниқли вакиллари ташриф буюрганлар.
Шароф Муқимов 1982-йил 11-апрел куни таваллуд топган. Мактабни тамомлагач, Тошкент Давлат Санъат институтида ўқишни давом эттирган. Санъатга 2003 йилда Муҳаммад Исмоилнинг «Балоғат бекати» видеофильмидаги роли орқали кириб келади. Мазкур ролидан кейин бир қатор клипларда суратга тушади. 2004 йилда илк маротаба қўшиқ куйлашни бошлайди ва унинг «Сен ҳаёлимсан», «Чиройлисан» каби қўшиқлари хит даражасига кўтарилади. 2007 йилда илк яккахон концерт дастурини тақдим қилади. 2010 йилда Шароф Муқимов ҳамкасби Севинч Мўминова билан турмуш қурган, уларнинг бир нафар фарзандлари бор. 2016 йилда Шароф Муқимов ва Севинч Мўминова ажрашган.
ИЗОҲЛАР 0