Мирзо Улуғбек номидаги Central Park

Собиқ Тельман боғининг қайта таъмирлаш ишлари натижалари 

Дам олувчилар учун илк маротаба 80 йил аввал ўз эшикларини очган Мирзо Улуғбек номидаги марказий боғ, қайта таъмирлаш ишларидан сўнг Central Park – янги, замонавий аттракционлар боғига айланди. Ўзгаришларни илк кўрганлардин бири бўлдик. 

 

13 000 гектарга эга янги Central Park икки зонага бўлинган: сокин ва кўнгилочар ҳудудлар. Кўнгилочар ҳудудда 26та аттракционлар ўрнатилган бўлиб, Ўзбекистондаги энг катта 3 500 квадрат метр майдонга эга, кириш ва чиқиш қисми бир ерда жойлашган болалар майдончасига эга. 

 

 

 

 

 

 

 

 

 

Central Park боғида Ўрта Осиёдаги биринчи ҳақиқий француз карусели ўрнатилган бўлиб, унинг ҳудди шндай нусхаси Эйфель минораси олдида ўрнатилган. Француз ишлаб чиыарувчи компаня стандарт отлар тўпламига карусель учун мавзу танлаш таклифини берган, шундай қилиб, «Жюль Верн саргузаштлари» мавзусида карусель қўлда безак берилган. 

 

 

 

 

 

Боғда 3та классик американча тепаликлар – roller coaster ўрнатилган: таъмирланган кичик тепалик, икки қаватли тепалик, ва катта уч қаватли Cyclon coaster. «Даҳшатли» аттракционлардан боғда Drop`N Tower – 38 метр баландликдан эркин учиш, шунингдек, Disney, Universal Studios, Warner Bros., Paramount паркларида ҳам ўрнатилган Zamperla компаниясидан Galleon кемаси – у ёндан бу ёнга чайқатади, ва ердан 6,5 метр баландликда эркин парвоз қилувчи Air race. 

 

 

 

 

 

Барча аттракционлар европалик ишлаб чиқарувчи ҳамкорлар томонидан ўрнатилган бўлиб, конструкцияларда Mitsubishi эҳтиёт қисмларидан фойдаланилган, парк ходимлари учун механизмлар билан ишлаш бўйича маҳорат дарслари ва таълимотлар ўтказилган. 

Зариф Рахимов, ХК Jet Invest компанияси вакили: «Компаниямизга Тошкент шаҳридаги энг қадимий боғлардан бирининг қайта таъмирлаш ишлари ишониб топширилган эди. чет эллик меҳмонлар кўпинча шаҳрингизда марказий боғ борми, деган савол билан мурожаат қилар эдилар. Шаҳар аҳолиси кўпинча яқин манзилда жойлашган сайлгоҳларда сайр қиладилар. Мазкур парк эса жойлашуви жиҳатдан шаҳарнинг қоқ марказида ҳисобланади. Биз боғ номини ўзгартиришни хоҳламадик ва натижада Мирзо Улуғбек номидаги Макрказий боғ – Central Park вужудга келди».

Боғнинг кркиш қисмидаги машҳур зиналар Toshkent Favoralari компаниси томонидан фавворага айлантирилди. Киришдан чап тарафда сокин ҳудуд жойлашган бўлиб, яёв сайр қилиш учунг кенг йўлаклар ва қулай ўриндиқлар ўрнатилган, ўнг тарафда эса болажонлар учун тирик тўсиқлардан лабиринт яратилган.

 

 

 

 

 

Эндиликда паркка трасса томондан ҳам кириш мумкин, автомобил эгалари учун эса қўшимча тўхташ жойлари яратилган. Central Park ҳудудида велосипед, скейтборд ва роликларда учиш таъқиқланган. 

Мирзо Улуғбек номидаги марказий боғда 200та кузатув камералари ўрнатилган бўлиб, 24/7 қўриқлаш хизмати ишлаб туради, шунингдек, паркнинг 150та ходими ҳар қандай савол бўйича ёрдамга шай. 

Паркка кириш доимгидек бепул, аттракционлар нархлари 4 000 сўмдан 12 000 сўмгача.

Манзил: Мовароуннаҳр кўчаси, 21
Мўлжал: собиқ Тельман боғи
Телефон: +99872 2372379

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.