«Оскар» лауреати PROlogue фахрий меҳмони

Россиялик режиссёр ва актёр Владимир Меньшов PROlogue IV халқаро кинофестивалининг фахрий меҳмонлари рўйхатига киритилди.

Халқаро кинофестиваль дирекциясидан маълум қилинишича, бошқа таклиф этилган юлдузлар қаторида Владимир Меньшов ҳам Ўзбекистоннинг ёш кинематографистлари учун маҳорат-дарсларини ўтказади. 

Владимир Валентинович Меньшов 1939  йилнинг 17 сентябрь куни Бакуда туғилган.  Театр, кино ва телевидение актёри, кинорежиссёр, сценарист, продюсер ва телебошловчи Меньшов – Россияда хизмат кўрсатган санъат арбоби,  Россия халқ артисти, «Москва кўз ёшларга ишонмайди» фильми учун «Оскар» мукофотининг «Хорижий тилдаги энг яхши фильм» номинациясида лауреат бўлган.

PROlogue халқаро кинофестивали 27 – 30 ноябрь кунлари Тошкентда бўлиб ўтади.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.