Samsungдан букиладиган смартфон

SAMSUNG дисплейи букиладиган ва планшетга айланадиган Galaxy Fold смартфонини тақдим этди.

Унинг ички букиладиган экранининг диагонали 7,3 дюйм ва ташқи экран диагонали 4,6 дюймга тенг.

Смартфон бир вақтнинг ўзида учта фаол иловалар билан ишлаш қувватига эга. Уларнинг иккитаси ички экранда ва биттаси фронтал экранда. 

Унда олтита камера мавжуд: учтаси орқа тарафда, иккитаси ички тарафда ва яна биттаси фронтал экранда. Фронтал камера 10 МП, асосий камералар — биттаси 12 МП, икки кенгбурчаклиси 16 ва 12 МП, шунингдек очиқ холатдаги иккита фронтал  камералар — 8 ва 10 МП ўлчамга эга.

Смартфон тўрт хил рангда сотувга чиқарилади: Space Silver, Cosmos Black, Martian Green ва Astro Blue. Galaxy Fold 26 апрелдан бозорга чиқади, унинг нархи эса $1980ни ташкил қилади.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.