Шаҳло Аҳмедова лицензиясиз қолди
«Ўзбекконцерт» давлат муассасаси шарму-ҳаёдан йироқ бўлган саҳналарга бой бўлган клипи туфайли эстрада хонандаси Шаҳло Аҳмедованинг лицензиясини бекор қилди. Расмий билдиришда мазкур клип ҳақида шундай дейилган:
Хонанда Ш.Аҳмедованинг «Летние дожди» деб номланган видеоклипида миллий маънавиятимизга ёт бўлган, томошабинларнинг эътиборини жалб этиш учун халқимиз менталитетига зид, шарқона одоб-аҳлоқ меъёрларига тўғри келмайдиган ҳаракатлардан ҳам тап тортмай, йигит ва қизнинг ишқий кечинмаларини очиқ-ошкора ифода этиб, буни андишасизларча тасвирга олиб кенг оммага намойиш этган.
Маълумотларга қараганда, Муассаса томонидан бир неча бор огоҳлантирилишига қарамасдан, хонанданинг «Летние дожди» деб номланган қўшиғига ишланган видеоклип ижтимоий тармоқлар орқали намойиш этилган.
ИЗОҲЛАР 0