Ҳафта янгиликлари: тезкор

2017 йилнинг 5 октябрида япониялик машҳур режиссёр Киёси Куросава ўзбекистонлик киноижодкорлар билан учрашди. Мазкур ташрифидан кўзланган асосий мақсад икки мамлакат дўстлиги, ҳамкорлигининг ёрқин намунасига айланувчи қўшма бадиий фильмнинг суратга олинишидир. Таниқли режиссёрнинг суратга олишни режалаштираётган фильмининг бош қаҳрамони ўзбек миллатига мансуб инсон бўлиши режалаштирилган. Суратга олиш ишлари 2018 йилнинг март-апрель ойларида бўлиб ўтиши белгиланган.

***

1 октябрь куни Зарафшон кўчасида жойлашган «Орзу» СКМ ёпилди. Мажмуа 4 йил фаолият юритди. Унинг расмий очилиши 2013 йилнинг 5 октябрида бўлиб ўтган эди. Мажмуадаги Barbeque Burger Максим Горькийга, Greens эса Samarqand Darvoza'га кўчиб ўтади. Мажмуада жойлашган «дизайнерлар аллеяси» шунингдек, бошқа дўконлар ва овқатланиш шахобчалари тақдири маълум эмас.

***

Ўзбекистоннинг биринчи ракеткаси Денис Истомин Хитойда бўлиб ўтган «Chengdu Open» турнирининг финал босқичида кипрлик Маркус Багдатисни енгиб, турнир чемпионига айланди. Денис Истомин кипрлик Маркус Багдатис устидан 3:2 ҳисобида ғалаба қозонди. Бу Денис Истоминнинг мавсумда қўлга киритган биринчи ғалабаси.  Ўзбекистоннинг биринчи рақамли теннисчиси 183 435 АҚШ доллари мукофот пулига эга бўлди.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.