Юнусобод ва Сергелида метро қурилиши бошланди

«Ўзбекистон темир йўллари»АЖ маълут беришича, Юнусобод йўлининг «Шаҳристон» ва «Туркистон» бекатларигача бўлган узунлиги 2,7 километрни ташкил этувчи, лойиҳа доирасида битказилмай қолган ҳудудда ишлар бошлаб юборилган.

Ундан ташқари, Сергели мавзесигача «Энгил метро» тизимини, яъни ернинг устидан эстакадалар (кўприклар) орқали ўтган янги метрополитен йўлини қуриш ишлари ҳам бошланган. Хабарда айтилишиша, метрополитеннинг «Олмазор» бекатидан Сергели мавзесигача узунлиги 7,1 километрни ташкил этувчи 6 та бекат қурилиши режалаштирилган. Унга кўра, метро ер остида эмас, эстакадалар орқали ҳаракатланади.

Сергели йўналиши метронинг «Олмазор» бекатидан уланади. Мураккаб муҳандислик лойиҳалари асосида бунёд этилаётган иншоот шаҳримизнинг «Чоштепа» маҳалласи оралиғидан ўтади. Янги йўлнинг сўнгги бекати «Спутник» мавзесидаги Марғиб кўчаси бўлади. Қурилиш жараёнида узунлиги 26 метрни ташкил этувчи кўплаб балкалар ўрнатилади. Лойиҳа 4 йилга мўлжалланган. Бекатларда эскалаторлар, кутиш майдончаси ўрнатилади, амалиётга сўнгги русумдаги технологиялар жорий этилади.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.