Пойтахтимизда шахмат мусобақаси бўлиб ўтди

22 апрель куни пойтахтимизда Sky Chess Open 2018 блиц-фестивали бўлиб ўтди.

Бу йил илк маротаба ташкиллаштирилган блиц-фестиваль келажакда ҳар йили анъанавий тарзда ўтказилиши режалаштирилган. Фестивалда юртимиз ва хорижий гроссмейстерлар ва шахмат усталаридан иборат 100 та шахматчилар иштирок этдилар. 

Мусобақада кучли шахматчилар ғолиблик учун кураш олиб бордилар. Муросасиз кечган беллашувлардан сўнг ғолиблик шоҳсупасидан ўрин олган иштирокчилар рўйхати қуйидагича кўриниш олди:

Чемпионат ғолиблари:

1 ўрин - Якуббоев Нодирбек

2 ўрин - Нигматов Ортик

3 ўрин - Вахидов Жахонгир

Аёллар ўртасида:

1 ўрин - Абдукаримова Хилола

2 ўрин - Тохиржонова Гулрухбегим

3 ўрин - Дониёрова Райхон

14 ёшгача бўлган ўғил болалар ўртасида:

1 ўрин - Рахматуллаев Алмаз

2 ўрин - Бобоходжаев Бобур

3 ўрин - Кузиев Миразиз

14 ёшгача бўлган қиз болалар ўртасида:

1 ўрин - Хегай Юля

2 ўрин - Баходиржонова Хадичабону

3 ўрин - Хабибуллаева Мохинур

Атаханов Санжар ва Имомкузиева Нилуфархон Sky Chess шахмат мактабининг энг яхши ўқувчилари деб топилди.

Тадбир Sky Chess шахмат мактаби томонидан UHY Tashkent МЧЖ аудиторлик компанияси ва Ipak Yuli Bank АИТБ ҳомийлигида ўтказилди.

«Sky Chess» шахмат мактаби болалар ва катталарга профессионал шахматдан сабоқ бериш билан шуғулланади. Мактаб 2013 йилда профессионал мураббийлар ва спорт психологлари, опа-сингил Нафиса Мўминова (халқаро гроссмейстер) ва Ҳулкар Тоҳиржонова (ФИДЕ халқаро устаси) томонидан ташкил қилинган.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.