Саёҳат
Yurtimiz shaharlari dunyo sayyohlarini o'ziga jalb qilmoqda
00:00
Now playing
Выберите радиостанцию
Саёҳат
Гўзал тонг отишлар, мафтункор кун ботишлар
Атрофга боқиб, табиат гўзалиикларига ҳайратланамиз. Табиат мўъжизаларининг энг яққол намоён қилувчи ҳодисалар бу ҳар кунги тонг отиши ва кун ботиши бўлса керак. Бугун Сизлар учун сайёрамизнинг турли бурчакларида жойлашган, ўзининг бетакрор тонглари ва шомлари билан машҳур масканлар шарҳини тайёрладик.
Тонг отиши
Ёкюлсаурлоун ороли, Исландия
Исландия суратлари бу бетакрор, самовий цивилизацияга эга мамлакат деган фикрни уйғотади. Ёкюльсаурлоун - улкан музли лагуна бўлиб, қуёш юзини кўрсатаётган маҳал тарифлаб бўлмас гўзалликни намоён этади.
Баган, Мьянма
IX ва XIII асрлар ўртасида қурилган тарихий обидалар макони ҳисобланмиш Мьянманинг қадимий пойтахти ҳозирги кунда саёҳатчиларнинг энг кўп ташриф буюрадиган макони ҳисобланди. Будда ибодатхоналарини шунчаки томоша қилиш ҳам мумкин, лекин эрталаб соат бешларда сайёҳлар учун ҳаво шарларида тонг отишини томоша қилиш учун махсус саёҳатлар уюштирадилар.
Маттерхорн тоғи, Церматт, Швейцария
Улкан қайрилган Маттерхорн тоғи — Швейцария Алпларининг рамзи. Тоғ чўққисидан чиқиб келаётган қуёш нурларини кўрганларнинг таъкидлашича, бу кўриш мумкин бўлган энг таъсирли ҳодисалардан бири бўлади. Агар сизга омад кулиб боқса, бу гўзалликни меҳмонхона деразасидан ҳам кузатишингиз мумкин. Лекин тажрибали сайёҳлар эртароқ туриб, Ротхорн тоғига кўтарилиб, тонг отишини ўша ердан томоша қилишни маслаҳат берадилар.
Пасхи ороли, Чили
Ҳайратомуз оролнинг яна бир номи Рапа-Нуи. Ҳозирги кунда оролда 887та ҳайкаллар бўлиб, уларни моаи деб атайдилар. Улардан энг баланди 11,4 метр узуликда.
Бромо вулқони, Ява ороли, Индонезия
Бромо — 20 йилдан бери тўхтамайдиган ҳаракатдаги вулқон, сўнгги отилиши эса 2011 йилда бўлиб ўтган. Бу ерда тонг отшини узоқдан туриб ҳам томоша қилиш мумкин, лекин сайёҳлар вулқон билан ёнма-ён жойлашган Пенанжакан тоғига боришни афзал кўрадилар.
Кун ботиши
Блед ороли, Словения
Энг сокин ва романтик масканлардан бир Любляна аэропортидан бор йўғи 35 км узоқликда жойлашган Блед ороли. Асосий обидаларидан бири — Биби Марям черкови. Кун ботиши айниқса қиш мавсумида, тоғлар қор билан қопланганда бетакрор гўзаллик касб этади.
Керала, Ҳиндистон
Ҳиндистонда кун ботишини томоша қилиш учун кўплаб ажойиб жойларни топиш мумкин, биргина Тож Маҳал кун ботаётган чоғда қанчалар гўзаллик кашф этишини тарифлаш қийин. Лекин бугунги мақоламизда National Geographic Traveler журнали 10та энг жаннатмакон жойлар рўйҳатига киритган Керала штати қирғоқларини танладик.
Денали миллий боғи, Аляска, АҚШ
Ҳайратланарли даражада гўзал кун ботшларини бутун Аяска бўйлаб томоша қилиш мумкин. Лекин Денали миллй боғи ҳудудига кирадиган Мак-Кинли тоғи ва Уандер оролида ақл бовар қилмас даражадаги гўзалликни кўришга муваффақ бўласиз.
Лондон, Буюк Британия
Шаҳар ичидаги кун ботишлар ҳечам шаҳар ташқарисидаги кун ботишларидан қолишмайди, бунга мисол қилиб Лондондаги кун ботишларини айтишимиз мумкин. Ҳатто ёмғирли кунларда суратга олинган кун ботиши ҳам худди журнал муқовасидан тушгандек кўринади.
Таиланд ороллари
Энг дангасалар учн тузилган дам олиш дастури ҳам кун ботар чоғ океанга саёҳатсиз ўтмайди. Океан ўртасида туриб қуёшнинг сувга кириб кетишини кўриш ўзгача завқ бағишлаши турган гап.
Kunutun.uz нинг Telegram’даги расмий
каналига обуна бўлиб, янгиликлардан кунутун хабардор бўлинг.
Нашр санаси:
11-06-2014
Шошилманг
Оммавий ахборот воситаси давлат рўйхатидан ўтганлиги ҳақидаги гувоҳнома № 0942 ЎзМАА томонидан 09.01.2013да берилган
© 2013-2020 Барча ҳуқуқлар ҳимоя қилинган. Фотосуратлар, сайт дизайни (ташқи безаги),
муаллифлик материаллари, ёки сайтда жойлаштирилган бошқа ҳар қандай материаллардан
фойдаланиш фақат сайт маъмурияти рухсати билан амалга оширилади. Сайтдан маълумот руҳидаги
ҳар қандай материални олиб бошқа сайтда жойлаштирилганда манбага фаол ҳавола кўрсатилиши шарт.
ИЗОҲЛАР 0