00:00
Now playing
Выберите радиостанцию
Саёҳат
Замонавий меъморчиликнинг мўъжизалари: дунёдаги 10 та энг ғалати бинолар
Миллий опера театри, Пекин (Хитой)
Санъат ижрочилари миллий маркази (Миллий опера театри) Пекинда жойлашган. Шиша ва титандан қурилган бино сунъий кўл билан ўралган. Уни Француз меъмори Поль Андре яратган. Қурилиш 2001 йилда бошланган ва 6 йилга чўзилиб кетган. Театр майдони 12000 квадрат метр бўлиб, 5452 томошабинга мўлжалланган.
Кубикли уйлар, Роттердам (Голландия)
Бу Кубикли уйларни меъмор Пит Блом яратган. Бу бинони у шаҳар ўртасида ўрмон яратиш ва шу ўрмонда дарахтлар тимсолида бинолар қад ростлаши истагига таянган ҳолда яратган.
Биосфера экология музейи, Монреаль (Канада)
Биосфера бу – атроф-муҳит муаммоларига бағишланган музей. Бу музей Jean-Drapeau боғидаги Авлиё Елена оролида, шундоққина Авлиё Лаврентия дарёчаси ўртасида жойлашган. Лойиҳа муаллифи Ричард Бакминстер Фуллер.
Ўрмонли спирал, Дармштадт (Германия)
Ўрмонли спирал 12 қаватли турар жой ва бу бино 1990 йилларда қурилган. Ғоя муаллифи рассом Фриденсрайх Хундертвассер бўлиб, меъмор Хайнц М. Шпрингманн, Bauverein Darmstadt компанияси билан бу ғояни ҳаётга тадбиқ этган. Бинонинг қурилиши 1998 йилдан 2000 йилгача давом этган.
Хабитат 67, Монреаль (Канада)
Habitat 67 бу – меъмор Мойшей Сафди томонидан яралган. Бу унинг диплом лойиҳаси бўлган. Бу бино шаҳарнинг диққатга сазовор жойларидан бири деб тан олинган.
La Pedrera, Барселона (Испания)
La Pedrera шунингдек, Casa Mila номи остида ҳам таниқли. Уни каталониялик меъмор Антони Гауди 1906-1912 йилларда оилавий жуфтлик учун қурган. Уйнинг ажабтовурлиги шундан иборатки унда битта ҳам тўғри чизиқларни топа олмайсиз.
Замонавий санъат Музейи, Нитерой (Бразилия)
Замонавий санъат музейи Бразилиянинг Нитерой шаҳарида жойлашган ва маҳаллий эътиборга сазовор жойлардан бири ҳисобланади. Бинонинг ўзи худди ўзга сайёрадан келган космик объектга ўхшайди. Бинони 1996 йилда Оскар Нимейру ва Бруно Контарини лойиҳасига асосан қурилган. Бинонинг баландлиги 16 метр, умумий майдони эса 817 квадрат метр.
Рақсга тушаётган уй, Прага (Чехия)
Рақсга тушаётган уй ёки “Фред ва Джинджер” бу Прагада жойлашган бино номи. Бино Чехиялик меъмор Владо Милунич ва Канадалик меъмор Френк Герилар томонидан қурилган. Ажойиб шедевр ўзида икки жуфтликнинг рақсга тушаётганлигини акс эттиради.
Тошли уй, Фафи (Португалия)
Тошли уй Португалиянинг шимолий қисмидаги Фафи тоғида жойлашган. Уйнинг асосини иккита катта валуна ташкил қилиб, уларни ўзаро бетон суюқлиги ёрдамида бирлаштиришган. Шундай қилиб, 1974 йилда икки қаватли уй пайдо бўлган.
Қийшиқ уй, Сопот (Польша)
Сопотадаги савдо маркази нафақат ўзига ҳаридорларни, балки сайёҳларни ҳам эътиборини тортади. Бунинг боиси эса ўзгача ташқи кўринишга боғлиқ. Бу бинога қараганингизда ҳеч қандай тўғри чизиқларни ва бурчакларни кўрмайсиз. 2004 йилда Szotyńscy & Zaleski корхонаси меъморлари, иллюстраторлар Jan Marcin Szancer ва Per Dahlberg расмларидан илхомланиб бу бинони яратганлар.
Шунингдек ўқинг:
Дунёнинг 10 та ажабтовур кузатиш майдончалари
Манзарали ҳаёт: 7 та шишали бино
Kunutun.uz нинг Telegram’даги расмий
каналига обуна бўлиб, янгиликлардан кунутун хабардор бўлинг.
Нашр санаси:
07-05-2014
ИЗОҲЛАР 0