Бугун Улуғбек Қодировнинг таваллуд айёми!

Бугун, 3 август куни актёр Улуғбек Қодировнинг туғилган куни. 35 ёшини қарши олган Улуғбек Қодиров 1983 йилда Тошкентда туғилган. Кинодаги фаолияти мобайнида кўплаб қизиқарли ва кассабоп фильмларда роль ижро этган. Улуғбекни туғилган кунлари билан табриклаб, саломатлик тилаб қоламиз.

«Сарвиноз» фильмидаги роли билан кўзга ташланган. Ёш актёр хонанда Шаҳзода билан суратга тушган мазкур фильм ўз вақтида энг омадли фильмлардан бири бўлган. Орадан вақт ўтиб, ушбу фильмнинг давоми ҳам суратга олинган. «Бахт учун миллион» деб номланган фильмда Шаҳзоданинг ўрнига хонанда Севинч Мўминова бош рольни ижро этган.

Актёрнинг энг омадли фильмларидан «Фотима ва Зуҳра», «Шабнам», «Телба», «Мажруҳ», «Жодугар», «О, Марям, Марям» картиналарини ёдга олишимиз мумкин.

Актёр ҳозир ҳам турли фильмларда суратга олишни давом эттирмоқда. Айни дамда у Чингиз Айтматов қаламига мансуб «Сарвиқомат дилбарим» асари асосида тасвирга олинаётган «Дилбарим» фильмида ҳам иштирок этмоқда.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.