«Истанбуллик келин»нинг Фарук Борани

Таниқли турк хонандаси, бастакори, актёри ва режиссёри, «Истанбуллик келин» сериалида Фарук Боран образини жонлантирган актёр Ўзжан Дениз ҳаётига назар соламиз.  

Ўзжан Дениз 1972 йилнинг 19 майида Туркиянинг Анқара шаҳрида тавллуд топган. Оилада иккинчи фарзанд. Ўзжан 5 ёшга тўлгач, оиласи Айдин шаҳрига кўчиб ўтади. Маълумотларга қараганда, бўлажак актёрнинг оиласи жуда  ночор моддий аҳволда бўлган, шу сабабдан Ўзжан 14 ёшидан қўшиқ куйлаб, пул топишга ҳаракат қилган.

1989 йилда у Германияга кетади, у ерда унинг хонандалик иқтидори юзага чиқади. Баъзи манбаларда келтирилишича, у 1992 йилда ўзининг илк альбомини тақдим этади. Унинг ҳиссиётларга бой лирик тароналари қисқа фурсатда оммалашиб, мухлислари сони орта бошлайди. Мухлислар муҳаббатидан илҳомланган хонанда янада катта иштиёқ билан янги қўшиқлар яратишга тушади. Ўзжан Дениз нафақат Туркияда, балки чет элларда ҳам муваффақият билан концертлар беради. Унинг 1993 йилда тақдим этган «Фариштам» номли альбоми унга катта шон-шуҳрат олиб келади. Телеэкранларда тез-тез кўрина бошлайди. 1994 йилда кино ижодкорлар назарига тушади ва «Унга севишимни айт» номли фильмда илк бор актёр сифатида ўзини синаб кўради.

Ўзбек томошабинлари уни 2002 йилда экран юзини кўрган «Ишкомли уй» сериали орқали таний бошлайдилар. 2017 йилда эфирга узатила бошлаган «Истанбуллик келин» сериалидаги бош қаҳрамон – Фарук Боран образи уни юртимизда янада машҳур қилади.

Актёрнинг шахсий ҳаёти ҳақида гапирадиган бўлсак, у 1992 йилдан 2002 йилга қадар Хандан Дениз билан никоҳда бўлган деган маълумотлар бор. 2002 йилдан 2018 йилгача турли актрисалар билан ишқий муносабатлари ҳақида гап-сўзлар юради. 2018 йилнинг 8 мартида у ўзидан 20 ёш кичик Фейза Актан исмли севгилиси билан турмуш қуради. Шу йилнинг 29 апрелида эса илк маротаба ота бўлади. Рафиқаси Фейза Кузей исмли ўғил фарзандни дунёга келтиради.

«Истанбуллик келин» Асли Энвер ҳақида эса бу ерда ўқинг.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.