Azucar Moreno’нинг PreFall 2017 «El regreso» тўплами

Azucar Moreno тахаллуси билан фаолият юритиб келаётган ёш дизайнер Камола Рустамова ўзининг янги El regreso Pre-Fall 2017 кузги мавсум учун мўлжалланган либосларнинг тўлиқ тўпламини тақдим этди. Испанчадан таржимада тўплам номи «Қайтиш» маъносини англатади.

Аввал хабар берганимиздек, Azucar Moreno ўзининг кузга мўлжалланган либосларини тақдим этишга тайёргарлик кўраётган эди. Бу тўпламини намойиш этишда унга истеъдодли актриса Зарина Низомутдинова ёрдам берган.

Эндиликда эса ўзбек дизайнерининг либослари Испаниянинг гўзал манзараларида намоён бўлмоқда.

Умумий ҳисобда мазкур тўплам ўз ичига 23 та лукларни жамлаган, лекин талабдорлар кўп бўлганлиги сабабли кўп қисми сотилиб кетган. Мазкур либосларни дизайнер сентябрь ойининг охирига намойиш этиш арафасида. Либосларни яратишда Azucar Moreno асосан ўзбек миллий матолардан, қолаверса ипак матолари ҳам ишлатилганлигига гувоҳ бўласиз.

Илк бор PreFall 2017 «El regreso» тўплами Мадридда кенг оммага тақдим этилади. Ҳукмингизга ушбу тўпламдан жой олган либосларни тақдим этамиз.

Камола Рустамова
 

«Ушбу тўпламда асосий урғуни ипак матоларига бердим. Эски кашта эса Azucar Moreno'нинг таниқли қисмидан бири бўлиб, тўпламни янада бойитди».

Камола Рустамова - дизайнер, Azucar Moreno брендининг асосчиси, Ўзбекистондаги мода фестиваллар ғолиби. 2006 йил «Андалусиянинг энг ёш дизайнер» номинацияси ғолиби, қолаверса 2012 йил Мадриднинг энг яхши ёш дизайнери деб тан олинган. Барселона, Мадрид, Севилья, Берлин ва Флорипа оролида ўтказилган Халқаро мода кўргазмаларида иштирок этган.

Ушбу либослар тўплами ўз ичига 23 лукни олиб, юбка, ипакдан яратилган блузкалар, топ ва бомберлар мавжуд.

Фотосуратчи: Сергей Суботтин ва Сергио Лош.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.