Болливуд юлдузлари Канн кинофестивалида
Бу йилги Канн кинофестивалининг энг муҳим тадбирларидан бири бош роллардан бирини машҳур Моника Беллуччи ижро этган Клод Лелушнинг «Умримнинг энг яхши йиллари» номли янги фильми премьераси бўлди десак муболаға бўлмайди. Премьерага биринчилардан бўлиб Приянка Чопра ва Ник Жонас жуфтлиги ташриф буюрди. Ник ва Приянка ҳудди никоҳ оқшомига йўл олгандек оппоқ либосларда ташриф буюрдилар. Приянканинг оқ либоси дизайнер Gеоrges Ноbеikа томонидан яратилган бўлиб. бўйнида Сhораrd кольеси ярқирарди.
Бу йил учинчи маротаба кинофестивалга ташриф буюрган Дипика Падуконе қизил йўлак учун улкан қора бантли оқ либос танлаган бўлиб, мазкур либосни норвегиялик дизайнер Петер Дундас яратган. Актрисанинг пардози L’Oréal Paris визажистлари томонидан бажарилган.
Дунё гўзали Айшвария Рай бу йил ҳам кинофестивалга муҳташам образда ташриф буюрди. Олтин балиқ образини эслатувчи либосни кийган актриса пардозни имкон қадар табиий бўлишига ва либосидан эътиборни тортмаслигига аҳамият берган. Машҳур актрисанинг ушбу либоси Jean-Louis Sabaji couture модалар уйига тегишли.
ИЗОҲЛАР 0