Lookbook. Дилдора Қосимованинг янги либослар тўплами

Winter holidays 2017 – янги тўплам кундалик қишки образлар билан бир қаторда тантаналар учун ҳам мўлжалланган. Трикотаж, муаллифлик принтлари, кашта, кашемир ва бахмал пальтолар  – Дилдора Қосимовадан мавсумнинг асосий трендлари. Ўзининг эксклюзив интервьюсида Дилдора қишки коллекцияси яратилиш сирлари ва илҳом парилари билан бўлишди.

Winter holidays 2017 тўплами, ҳар доимгидек энг асосий нарсалар – урф одатларимиз, энг яқинларимиз учун қишки байрамга совғалар, ҳар кун учун иссиққина бежирим айёрликлар, тўқилган бош кийимлар кайфияти ҳамда бахмал ва тўрни бирлаштирган мукаммал қишки оқшомлар ҳақида.

«Янги йил арафаси бутунлай илҳомга бурканган. Булар Мандарин ифори, дўстона байрам табриклари, ва албатта энг асосий байрам ҳаяжони. Менинг илҳомим ҳудди шу каби байрамона тўпламдан».​

Кашемир ва жундан пальтолар – мазкур мавсум must haveларидан бўлиб, дизайнер томонидан классик услубда ҳамда янгича кўп қаватли кўринишда тортиқ қилинган.

Юмшоқ трикотаждан муаллифлик принтлари ва кашталар билан безатилган иссиққина T-shirtлар  -  қиш кунлари совға учун айни муддао.

Мукаммал ўтирган шимли костюмлар  - нодир топилма, лекин қишки гардероб учун жуда ҳам зарур нарса.

Бахмалнинг қуюқ яшил рангини мукаммал тарзда намойиш эта олган пижама ва узун оқшом либослари Дилдора Қосимованинг мазкур тўплами «қироличалари».

Пистонлар билан безатилган нафис гипюрдан тикилган кўйлаклар янги look bookда шимли силует билан уйғунликда  - муаллифдан байрамона, илиқ топилма.

Қўлда тўқилган бош кийимлари бутун тўпламда ўз ўрнини топган.

«Коллекция, ҳар доимгидек мухлисларим, дугоналарим, танишларим, оддий ҳамроҳларим... хуллас нимаси биландир ўзига тортган барча учун мўлжалланган».

2017 йил кириб келишига саноқли кунлар қолганда Дилдора Рождество байрами учун Like Kasimova бренди остида тўплам тақдим этди. Тўпламда нафис либослар, арча ўйинчоқлари, гулли арчалар, долчин ифори, шунингдек болалар учун янги йил либослар тўплами Candy Cotton намойиш этилди.

Мyday pop-up store Янги йил ярмаркасида дизайнернинг бурчагида муаллифлик принтлари урилган свитшотлар, иссиққина бош кийимлар, топлар, аксессуарлар ва кўйлаклар харид қилиш мумкин эди.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.