Тошкент мода ҳафталиги. Биринчи кун

Ёшлар ижодиёт саройида 14 ноябрь куни Тошкент Мода ҳафталиги-2017 очилиш маросими бўлиб ўтди. Биринчи кун ҳақида бизнинг шарҳда ўқинг.

Ҳафталик ташкилотчилари Ўзбекистоннинг турли ҳудудларини акс эттирувчи анъанавий ўзбек либослари намойишини тақдим этишди.

 

 

 

 

 

Юртимизга ташриф буюрган меҳмонлар, ушбу намойиш орқали Тошкент-Фарғона, Самарқанд-Бухоро, Сурхондарё-Қашқадарё, Хоразм, Қороқолпоғистон ҳудудларидаги аждодларимиздан сақланиб қолган ранг-баранг либослар билан танишдилар.

 

 

 

 

 

Намойишдан сўнг, барча шу куни «Ўзбек бадиий ва замонавий матолари» кўргазмаси очилиши гувоҳи бўлишди. Кўргазмада шойи, ипак, адрас, креп-жоржет, шифон, сатин-атлас каби табиий матолари, қоракўл маҳсулотлари тақдим этилди.

 

 

 

 

 

 

Шунингдек, Ла Мартиньер-Дидро лицейи костюмлар дизайни факультети талабалари уч хафта давомида Хон-атласи (Икат)дан яратган Шохона Ливрея костюмларни кўриш мумкин бўлди. Яратилган учта костюм икки нусхада бўлиб, бири лицей фонди, иккинчи эса «Ёдгорлик» фабрикаси учун.

Ҳафталик иштирокчиси ва меҳмони италиялик дизайнер Antonio Grimaldi

«Матоларингиз менга жуда ёқди. Улар ёрқин, ранг-баранг. Ўзбек матоларига қандай ўзгартириш киритган бўлардингиз, деган савол берилди. Ушбу саволга: «ҳеч қандай» - деб, жавоб бердим. Чунки уларнинг ҳар бири ўзбек маданиятига асосланган ҳолда яратилган. Ҳар бир саёҳатимдан илхомланиб, ўз либослар тўпламимга бирон-бир нарса киратаман. Юртингизга яна бир марта албатта ташриф буюрган бўлар эдим».

Биринчи кунга «Италия модасига 60 йил» кўргазмасининг очилиши якун ясади. Кўргазманинг очилишидан тўлиқ шарҳни бу ерда кўринг. 

Кўргазма Италия услуби ва модасининг тарихи ва ривожланишига бағишланган бўлиб, италия тикувчилари ва машҳур дизайнерлари томонидан яратилган тарихий 72та либослар тақдим этилган. Улар орасида  Salvatore Ferragamo, Max Mara, Prada, Moschino, Gucci, Trussardi, Dolce&Gabana, Valentino, Brioni, Roberto Cavalli, Versace. Пойтахтга келтирилган моделлар Ўзбекистон Давлат санъат музейидан жой олди.

 

 

 

 

 

Ундан ташқари жаҳонга машҳур юлдузлар турли ҳил тақдирлаш маросимларида, модалар намойишларида намоён бўлган моделлар ҳам намойиш этилган. Жумладан, Одри Хепберн «Уруш ва тинчлик» фильмида Fernanda Gattinoni’дан, Дженнифер Лопеснинг Гремми маросига Donatella Versace’дан кийган либосларини кўриш мумкин.

Тошкент мода ҳафталиги илк кунидан фотоҳисобот бу ерда.
 

Бугун, 15 ноябрда Тошкент Мода ҳафталиги доирасида Дина Сайфидан маҳорат дарси, #beyoung ёш дизайнерлар танлови Ёшлар ижод саройида бўлиб ўтади.

Тўлиқ дастур бу ерда.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.