Ҳафта янгиликлари қисқа сатрларда

Ҳаётда ҳам, санъатда ҳам гўзал жуфтликлардан бири Ойбек ва Нигора мухлислари ҳукмига «Оппоғой» номли қўшиғига ишланган клипни тақдим этдилар. Клип трек ва сюжет йўналишида тасвирга олинган бўлиб, унда Сетора Алимжанова ва Шерзод Бинни бош ролларда кўриш мумкин. 

Режиссёр Рустам Сагдиев «Эр бермоқ, жон бермоқ 2 ОНЛАЙН» янги комедия жанридаги фильмини суратга олиш ишларини бошлаб юборди. Бу ҳақда режиссёр ўзининг инстаграм саҳифасида хабар берган. Бош ролларда Дилноза Кубаева ва Адиз Ражабовлар.

Фото: kun.uz

Хивада режиссёр Ёлқин Тўйчиевнинг «Маъсума» номли картинасини суратга олиш жараёни бошланган. Актер Адиз Ражабов ҳам мазкур картинада рол ижро этади. Картинада Насиба исмли содда ва самимий аёлнинг қувонч ва ташвишларга йўғрилган ҳаёти мисолида ўзбек аёлларига хос вафо, садоқат, оилапарварлик ва фарзанд тарбиясига ўзини бахшида этиш сингари эзгу фазилатлар ишонарли акс эттирилади.

Мафтункор хонанда Шаҳзоданинг репертуарида чет эллик хонандалар билан ижро этган дуэтлари етарли даражада. Тез орада ушбу рўйхатдаги қўшиқлар яна биттага кўпаяди.  Хонанда Two гуруҳи билан ҳамкорликда Linda номли тарона ижро этди ва тез орада мухлислар ҳукмига янги қўшиқ ва унга ишланган клип тақдим этилади.

Келаётган жума, 10 июн куни футбол ишқибозлари кутган ЕВРО-2016 ўйинларига старт берилади. Мазкур ўйинлар бизнинг юртда ҳам намойиш этилади албатта. Актёр Алишер Узоқов UZREPORT TV телеканали орқали тўғридан-тўғри трансляция қилинадиган ЕВРО-2016 ўйинларига шарҳловчилик қилади. Батафсил бу ерда.

5 июнь куни ўзбек эстрадасининг ёрқин юлдузи хонанда Шоҳруҳхон ва актриса Асал Шодиеваларнинг висол оқшомлари бўлиб ўтди. Мазкур тантана йилнинг энг шов-шувли ва кутилган бахт тўйи бўлди. Висол оқшоми тафсилотларини сайтимизда ўқинг.

 

 

 

 

 

 

6 июнь куни барча мўмин-мусулмон йил давомида кутадиган муқаддас рамазон ойи кириб келди. Рўзадорлар таомномаси бўйича тавсиялар ва барча рўзадорлар учун 1437 ҳижрий - 2016 йил учун рамазон тақвими билан шарҳимизда танишинг.

Жорий йилнинг 6 июнь куни республика ҳудудларида буюк рус шоири, драматург Александр Сергеевич Пушкин таваллудининг 217 йиллигига бағишланган тадбирлар бўлиб ўтди. Адиб таваллуди билан боғлиқ акцияда ўзбек санъатининг бир қатор вакиллари ҳам фаол иштирок этишди. Батафсил.

Таниқли ўзбек дизайнерларидан бири Елена Мильбергер Miami Metropolitan International Fashion Week  - Америка мода ҳафталиги доирасида ўзининг янги либослар тўпламини тақдим этди.

Ўзбек брендларидан бири бўлмиш Zukhra Design асосчиси Зухра Абдусатторова май ойининг сўнгги кунларида Сеул шаҳрида бўлиб ўтган Asia Model Festival 2016 Ҳалқаро мода фестивалида ўзининг либослар тўпламини намойиш этди.

Тошкентда Yellow номли тайёр гулдасталар салони очилмоқда. Креатив жамоа мақсади пойтахт ахлига флористика имкониятлари ҳақида тушунча бериш. Очилиш маросими 11 июнь куни соат 16:00да бўлиб ўтади.

Виктория Бэкхемнинг нашр этилмаган қўшиқлари интернет тармоғига чиқди. Come Together альбоми Дэймон Дэш билан ҳамкорликда 2003 йилда ёзилган.

3 июнь куни Кассиус Марселлус Клей, Мухаммед Али номи остида танилган афсонавий боксер бу ёруғ оламни тарк этди.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.