ТОШКЕНТНИНГ БАРЧА ВАҚТИЧОҒЛИКЛАРИ

alt alt    alt

 
КИРИШ/РЎЙХАТДАН ЎТИШ
Дефиле

Tashkent Fashion Week: 3-кун

1021
0

Шу куни «Человеческая одежда» бренди асосчиси, ўз ўрнига эга дизайнер Лола Сайфидан маҳорат дарси ўтказилди. Мода оламига эндигина қадам қўйиб келаётган ижодкорлар, қандай қилиб ўз брендини яратиш сирларидан воқиф бўлдилар.

alt

Италиялик дизайнер Sabrina Persechino тақдим этган коллекцияси шу кундаги намойишлар кетма-кетлигини бошлаб берди. Тўпламдан 37та либос ўрин олган бўлиб, OPTICAL номли тўпламдаги либослар оқ, яшил, қизил, қора, кулранг ва малла каби ранглар уйғунлигида яратилган. Либослар геометрик шакллар, вектор графикаси ва лазерли ўйма нақшларни ўзида жам қилган либослар, жуда ҳам нафис кўринишга эга.   

altaltaltaltalt
Sabrina Persechino, италиялик дизайнер:

«Ҳафталикдаги иштирокимдан аввал Самарқандда бўлдим. Бу кўҳна шаҳарнинг нафақат қадимий обидалари, балки адрас-атлас матолари ҳам менда ўзгача таассурот қолдирди. Балки кейинги подиумларда бу матолардан фойдаланарман. Бу ерга келиб шуни тушундимки, ўзбекистонлик дизайнерлар ҳам анча илдамлаб кетган, яратган либосларида ҳам миллийлик, ҳам замонавийликни уйғунлаштира олганликлари энг каттта ютуқларидир».

alt

Тошкентлик гўзаллик шайдоларига ўзининг либослари билан яхши таниш дизайнер Дилноз Эркинова бу йили 50та либосдан ташкил топган тўпламини тақдим этди. Кашемир, букле, твил, шойи, шифон матоларига мурожаат этилган. Безаклар учун гипюр, бисер, марварид тошлар танланган.

altaltalt

Тўпламда замонавий чўпонларни кўриш мумкин, улар бир кўринишда пальтоларни ёдга солади. Аммо бичимлар миллийликдан йироқлашмаган.

alt

Дилноз Эркинова, дизайнер:

«Ҳар йили Тошкент мода хафталигида қатнашиб келаман. Бундан жудаям ҳурсандман. Бу ҳафталик кўпгина дизайнерлар учун маҳорат мактаби бўла олади. Модалар намойиши, маҳорат дарслари, ҳориж дизайнерларининг ишлари дидни шакллантириш, профессионал даражада янада ўсишга ёрдам бера олади».

Куннинг энг ёрқин ва эсда қоларли намойишлари бу Дилдора Қосимова томонидан тақдим этилган либослар бўлди.

alt

Ташриф буюрган ҳар бир мода иҳлосмандалари бу намойишда ўзларини шохона муҳитга тушиб қолгандек ҳис этдилар. Подиумга солинган гиламлар, экрандаги сарой йўлаклари тасвири ва қушлар садосини эслатувчи жарангдор мусиқа остида тақдим этилган тўплам, шарқнинг бутун гўзаллигини ўзида акс эттирди.

altaltaltalt

Бахмал, сўзана, шойи адрас, шифон матоларидан яратилган либосларни, уларни янада ёрқинроқ бўлишини таъминлаган ажойиб патлардан, миллий тақинчоқлардан иборат сочларга тақиладиган аксессуарларни, тилла қошларни, Дилдора Қосимованинг тўпламида кўриш мумкин бўлди.

altaltaltaltalt

Намойиш сўнггида тақдим этилган келинлик либоси бежирим ва нафис бўлиб, барчанинг эътиборини ўзига тортди. 

altaltalt


Тошкент мода ҳафталигинг биринчи ва иккинчи кунидан шарҳлар бизнинг сайтда. 

 
 
 
 
 
 
 
 
 
 
 
 
 
 
 

Публикация от kunutun.uz (@kunutun.uz)

 

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.
Нашр санаси: 24-11-2018

ИЗОҲЛАР 0

Авторизация Изоҳ қўшиш учун авторизация қилинг