Нукусда театрлар фестивали

Нукус шаҳрида Ўзбекистон Республикаси Мустақиллигининг 28 йиллигига бағишланган «Сени куйлаймиз, замондош!» Ўзбекистон театрларининг V Республика кўрик-фестивали бўлиб ўтмоқда.

10 июндан 16 июнга қадар ўтказиладиган Республика кўрик-фестивалининг мақсади Ватанимиз мустақиллиги, тинчлиги ва ободлиги йўлида фидокорона меҳнат қилаётган, илғор фикрли замондошларимиз образлари акс этган замонавий мавзулардаги спектаклларни яратиш, ўзаро ижодий тажриба алмашишни юзага келтириш ҳамда томошабинларимизни Ўзбекистон театр санъатининг энг сара намуналари билан яқиндан таништиришдан иборат.

Бу йилги «Сени куйлаймиз, замондош!» Ўзбекистон театрларининг V Республика кўрик-фестивалида 11 нафар давлат театрлари ранг-баранг мавзудаги замон қаҳрамонлари акс этган спектакллари билан иштирок этмоқда.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.