Ўзгача пардоз

Латофатли аёллар пардоз қилишда кўзларга алоҳида аҳамият берадилар. Лекин бугун сизларга ҳар доимгидан ўзгачароқ кўз пардози яратиши билан машҳурликка эришган визажист ҳақида сўзлаб бермоқчимиз. Германиялик Свенья Йодик кўз пардозида бурилиш ясаган визажистлардан. У бу йўналишда оддий тушь, қалам ва кўз бўёқларидан қониқиш ҳосил қилмай, жуда ноодатий воситалардан фойдаланишга қарор қилди. У тап тортмай кўз пардозида ҳашаротлар, тугмачалар, игна ва турли хил нарсалардан фойдаланади. Албатта бу пардоз билан Сиз ишга ёки ўқишга бора олмайсиз, лекин моделлар ва фотографлар унинг хизматидан жуда кўп фойдаланадилар.