Ҳафта янгиликлари қисқа сатрларда

10 апрел куни Ўзбекистон Халқ артисти Озодбек Назарбековнинг ўн кунлик «Меҳринг сабаб» номли навбатдаги концерт дастурига старт берилди. Концерт кунлари давом этмоқда. Концерт илк куни ёрқин лаҳзалари бизнинг фотоҳисоботда. 

Хонанда Сардор Раҳимхоннинг 9-10 май кунлари бўлиб ўтадиган «Ҳар кунинг неъмат» номли концерт дастурида, мухлисларни кўпгина туҳфалар кутмоқда. «Аскар Онаси» номли тарона эса концертнинг ўзига ҳос янгилиги бўлиши кўзда тутилган.

Батафсил бу ерда ўқинг. 

Сабина Мустаева Riga Jazz Stage 2016 халқаро танловида иккинчи совринли ўринга эга бўлди. Шунингдек, у маэстро Раймонд Паулсдан махсус соврин ва мухлислар эътиборини қўлга киритди.

Ўзбекистон Республикаси давлат мустақиллигининг 25 йиллиги муносабати билан республикамизнинг барча ҳудудларида «Биз – буюк юрт фарзандларимиз!» шиори остида ёшлар фестиваллари ўтказилмоқда. #YoshlarFestivali2016 айни қизғин паллада. Унда маданият ва санъат арбоблари, театр, кино актёрлари, эстрада хонандалари жумладан, Мирза Азизов, Лола Элтоева, Тохир Саидов, Манзура Йўлдошева, Шоҳруҳхон, Беном гуруҳи, Афруз гуруҳи, Саида, Асқар Хикматов, Диёр Махкамов ва яна кўпгина бошқа таниқлилар фаол равишда иштирок этмоқдалар. 

Муниса Ризаева, «Ватан» номли юртимизни мадҳ этувчи қўшиғини ҳавола этди. Ватанпарварлик руҳида ижро этилган қўшиқни тинглаш.

Хонанда Каниза ҳамкасблари ва яқин дўстларига 28 апрель санасида ўтказилиши режалаштирилган концерт дастурига таклифнома ва «фотиҳа нонини» юборишни бошлади. 

Ўзбекистон Республикаси давлат мустақиллигининг 25 йиллиги муносабати билан Туркистон саройида 23-24 апрель кунлари «Мустақиллик юлдузчалари» концерт шоуси бўлиб ўтади. 

Bonum Factum галереясида ўзбек халқининг мусиқа маданиятига салмоқли ҳисса қўшган Ботир Зокировнинг 80 йиллик юбилейига бағишланган бир қатор тадбирлар бўлиб ўтади. Тадбир тафсилотлари.

Тошкент ва Фарҳона шаҳарларида бўлиб ўтадиган «Шум бола-2016» ўзбек ва немис киноларининг 3-фестивалини «Қарсилдоқ ва сичқонлар қироли» - «Щелкунчик и мышиный король» фильми очиб беради. Кинофестивал ҳақида маълумот.

Sony Pictures студияси расмий равишда «Ўргимчак одам» тўғрисидаги фильмнинг янги номини - «Ўргимчак одам:Уйга қайтиш» расмий равишда эълон қилди. Картина премьераси 2017 йилнинг 7 июль сансига белгиланган.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.